family-planning

har dam yahī ik fikr ho aulād hī kā zikr ho

har samt chāhe kaal ho saarā jahāñ pāmāl ho

bad-hāl ho be haal ho kañgāl ho

bachchoñ se mālā-māl ho

ghar meñ agar khānā nahīñ paanī nahīñ, daanā nahīñ

chāhe koī nāshād ho

ghar meñ agar chilman nahīñ ik sham.a tak raushan nahīñ

aaTā nahīñ ration nahīñ

ek din safar ko ham chale, aur rail meñ ham ghus ga.e

bachchoñ se ham muñh moḌ kar, saare calendar chhoḌ kar

aur gher liiñ seateñ tamām rakkhā magar ye ehtimām

saare musāfir hoñ khaḌe har samt hoñ bachche paḌe

ik shor-o-hañgāma rahe, gardish meñ paimāna rahe

koī jiye chāhe mare apnā safar achchhā kaTe

bachchoñ kī paidā.ish meñ ham cheñ-peñ kī ālā.ish meñ ham

vaqfe kabhī dete nahīñ duniyā se ham heTe nahīñ

jab jānkī kā ghar basā aur bārahvāñ bachcha huā

bole ye sun kar jānkī sab den hai bhagvān kī

baabā ne pūchhā kyā huā bole ki phir laḌkā huā

bole chalo achchhā huā aulād kā koTā baḌhā

bole ki ye kyā khā.egā is ke liye kyā aa.egā

is kā abhī se zikr kyā is kī abhī se fikr kyā

ham sab faqīroñ ko yahāñ itnī bhalā fursat kahāñ

aulād bhī paidā kareñ aur baiTh kar sochā kareñ

paise kahāñ se ā.eñge? kapḌe kahāñ se lā.eñge?

vo jin kā behtar haal hai, un kā bhī ye ahvāl hai

jab bicycle par chal diye, kul family apnī liye

do Tokarī meñ haiñ nihāñ do kā hai DanDe par makāñ

shānoñ ko do pakḌe hue, gardan meñ do jakḌe hue

hai carēr par maañ ladī laḌkī hai ghanTī se bañdhī

bicycle ne farrāTe bhare laḌkoñ ne ḳharrāTe bhare

phir zan, zanāzan, zan zanan zan zan zanāzan zan zanan

har dam yahi ek fikr ho aulad hi ka zikr ho

har samt chahe kal ho sara jahan pamal ho

bad-haal ho be haal ho kangal ho

bachchon se mala-mal ho

ghar mein agar khana nahin pani nahin, dana nahin

chahe koi nashad ho

ghar mein agar chilman nahin ek shama tak raushan nahin

aaTa nahin ration nahin

ek din safar ko hum chale, aur rail mein hum ghus gae

bachchon se hum munh moD kar, sare calendar chhoD kar

aur gher lin seaten tamam rakkha magar ye ehtimam

sare musafir hon khaDe har samt hon bachche paDe

ek shor-o-hangama rahe, gardish mein paimana rahe

koi jiye chahe mare apna safar achchha kaTe

bachchon ki paidaish mein hum chen-pen ki aalaish mein hum

waqfe kabhi dete nahin duniya se hum heTe nahin

jab jaanki ka ghar basa aur barahwan bachcha hua

bole ye sun kar jaanki sab den hai bhagwan ki

baba ne puchha kya hua bole ki phir laDka hua

bole chalo achchha hua aulad ka koTa baDha

bole ki ye kya khaega is ke liye kya aaega

is ka abhi se zikr kya is ki abhi se fikr kya

hum sab faqiron ko yahan itni bhala fursat kahan

aulad bhi paida karen aur baiTh kar socha karen

paise kahan se aaenge? kapDe kahan se laenge?

wo jin ka behtar haal hai, un ka bhi ye ahwal hai

jab bicycle par chal diye, kul family apni liye

do Tokari mein hain nihan do ka hai DanDe par makan

shanon ko do pakDe hue, gardan mein do jakDe hue

hai career par man ladi laDki hai ghanTi se bandhi

bicycle ne farraTe bhare laDkon ne KHarraTe bhare

phir zan, zanazan, zan zanan zan zan zanazan zan zanan