غلط فہمی

میں نے اک بزم سخن میں کل غزل اپنی پڑھی

جس کو سن کر اہل محفل جھوم اٹھے وجد سے

جوش آیا ایک صاحب کو تو اٹھ کر جوش میں

اک لفافہ ہاتھ میں چپکے سے رکھ کر چل دئے

میں یہ سمجھا اس میں شاید ایک سو کا نوٹ ہے

کر دیا فی الفور پھر اس کو حوالے جیب کے

جب لفافہ کھول کر دیکھا تو یہ عقدہ کھلا

درج تھی اس میں ثنا خوانی میری اس طرح سے

سچ تو یہ ہے بہترین اشعار فرماتے ہیں آپ

بزم کو نغمہ سنا کر وجد میں لاتے ہیں آپ