hum un ko lae rah par mazaq hi mazaq mein

ham un ko laa.e raah par mazāq hī mazāq meñ

bane phir un ke ham-safar mazāq hī mazāq meñ

paḌe rahe phir un ke ghar mazāq hī mazāq meñ

maze se ho ga.ī basar mazāq hī mazāq meñ

huā hai jadde meñ jo ik mazāhiya mushā.era

ham aa ga.e ḳhudā ke ghar mazāq hī mazāq meñ

latīfa-goī kā jo raat chal paḌā thā silsila

ubal paḌe ka.ī gutter mazāq hī mazāq meñ

uTho ki ab namāz-e-fazr ke liye vuzū kareñ

ki raat to ga.ī guzar mazāq hī mazāq meñ

yahāñ 'ināyat' aap ko mushā.eron kī daad ne

chaḌhā diyā hai baañs par mazāq hī mazāq meñ

hum un ko lae rah par mazaq hi mazaq mein

bane phir un ke ham-safar mazaq hi mazaq mein

paDe rahe phir un ke ghar mazaq hi mazaq mein

maze se ho gai basar mazaq hi mazaq mein

hua hai jadde mein jo ek mazahiya mushaera

hum aa gae KHuda ke ghar mazaq hi mazaq mein

latifa-goi ka jo raat chal paDa tha silsila

ubal paDe kai gutter mazaq hi mazaq mein

uTho ki ab namaz-e-fazr ke liye wuzu karen

ki raat to gai guzar mazaq hi mazaq mein

yahan 'inayat' aap ko mushaeron ki dad ne

chaDha diya hai bans par mazaq hi mazaq mein