husn-e-bebāk kā video net pe jab viral ho gayā
dekhte dekhte merī ‘ainak kā number double ho gayā
vā'da-e-vasl par merī kitnī hī rātoñ kī nīñdeñ uḌiiñ
phir mu’ālij ke injectionoñ se mirā baazū shal ho gayā
muḳhtasar guftugū baa’z logoñ kī sadiyoñ pe bhārī huī
ik hasīna ke husn-e-bayāñ se to ghanTa bhī pal ho gayā
kūcha-e-yār meñ ḳhvāhish-e-‘aqd le kar huī hāzirī
pai-ba-pai jab savālāt pūchhe ga.e maiñ puzzle ho gayā
vo milī to mire vāste us kī pahchān mushkil huī
ḳhūb-sūrat ġhazal ab badan jis kā radd-e-ġhazal ho gayā
qaum ke haq meñ jo bhī tajāvīz thiiñ iltavā meñ rahīñ
jin meñ zaatī mafādāt the un pe fauran 'amal ho gayā
husn-e-bebak ka wideo net pe jab wiral ho gaya
dekhte dekhte meri ‘ainak ka number double ho gaya
wa'da-e-wasl par meri kitni hi raaton ki ninden uDin
phir mu’alij ke injectionon se mera bazu shal ho gaya
muKHtasar guftugu ba’z logon ki sadiyon pe bhaari hui
ek hasina ke husn-e-bayan se to ghanTa bhi pal ho gaya
kucha-e-yar mein KHwahish-e-‘aqd le kar hui haziri
pai-ba-pai jab sawalat puchhe gae main puzzle ho gaya
wo mili to mere waste us ki pahchan mushkil hui
KHub-surat ghazal ab badan jis ka radd-e-ghazal ho gaya
qaum ke haq mein jo bhi tajawiz thin iltawa mein rahin
jin mein zati mafadat the un pe fauran 'amal ho gaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
