ek rail ke safar ki taswir khinchta hun

isī meñ millat-e-baizā samā jā kuud jā bhar jā

tirī qismat meñ likkhā jā chukā hai tīsrā darja

na gunjā.ish ko dekh is meñ na tū mardum-shumārī kar

lañgoTī kas ḳhudā kā naam le ghus jā savārī kar

vo khiḌkī se kisī ne morcha-bandoñ ko lalkārā

phir apne sar kā gaThrā dūsroñ ke sar pe de maarā

kasī ne dūsrī khiḌkī se jab dekhā ye nazzārā

zamīñ par aa rahā dham se koī tāj-e-sar-e-dārā

agar ye railway kā silsila īrān jā pahuñche

to sikkhar par utartā shaḳhs asfahān jā pahuñche

ye saare khet ke ganne kaTā laayā hai Dabbe meñ

vo ghar kī chārpā.ī tak uThā laayā hai Dabbe meñ

khaḌe huqqe ba-ma.a-mīnār--eātish-dān to dekho

ye qaum-e-be-e-sar-o-sāmān kā sāmān to dekho

vo ik rassī meñ puurā lāv-lashkar bāñdh laa.e haiñ

ye bistar meñ hazāroñ tiir nashtar bāñdh laa.e haiñ

surāhī se ghaḌā roTī se dastar-ḳhvān laḌtā hai

musāfir ḳhud nahīñ laḌtā magar sāmān laḌtā hai

vo ik dānā-e-gul logoñ meñ yuuñ ghul-mil ke baiThe haiñ

razā.ī meñ jo yuuñ baiThe haiñ goyā sil ke baiThe haiñ

avāmunnās ko dars-e-falāh-e-ām dete haiñ

bahar-sū thūkne kā farz bhī anjām dete haiñ

idhar kone meñ jo ik majlis-e-bedār baiThī hai

kirā.e par election ke liye tayyār baiThī hai

siyāsat meñ damā-dam apnā chamcha mārte jaa.eñ

agarche hārte jaa.eñ magar lalkārte jaa.eñ

baḌe lauñDe ko maulā-baḳhsh-jī kitnā paḌhāoge!

''use b-a pe rokoge ki LLB karāoge!''

vo b-a hai magar b-a kī ḳhū aa.ī nahīñ us ko

abhī maañ baap ke kapḌoñ se bū aa.ī nahīñ us ko

baham yuuñ guftugū meñ āshnā.ī hotī jaatī hai

laḌā.ī hotī jaatī hai safā.ī hotī jaatī hai

isi mein millat-e-baiza sama ja kud ja bhar ja

teri qismat mein likkha ja chuka hai tisra darja

na gunjaish ko dekh is mein na tu mardum-shumari kar

langoTi kas KHuda ka nam le ghus ja sawari kar

wo khiDki se kisi ne morcha-bandon ko lalkara

phir apne sar ka gaThra dusron ke sar pe de mara

kasi ne dusri khiDki se jab dekha ye nazzara

zamin par aa raha dham se koi taj-e-sar-e-dara

agar ye railway ka silsila iran ja pahunche

to sikkhar par utarta shaKHs asfahan ja pahunche

ye sare khet ke ganne kaTa laya hai Dabbe mein

wo ghar ki chaarpai tak uTha laya hai Dabbe mein

khaDe huqqe ba-ma-minar--eatish-dan to dekho

ye qaum-e-be-e-sar-o-saman ka saman to dekho

wo ek rassi mein pura law-lashkar bandh lae hain

ye bistar mein hazaron tir nashtar bandh lae hain

surahi se ghaDa roTi se dastar-KHwan laDta hai

musafir KHud nahin laDta magar saman laDta hai

wo ek dana-e-gul logon mein yun ghul-mil ke baiThe hain

razai mein jo yun baiThe hain goya sil ke baiThe hain

awamunnas ko dars-e-falah-e-am dete hain

bahar-su thukne ka farz bhi anjam dete hain

idhar kone mein jo ek majlis-e-bedar baiThi hai

kirae par election ke liye tayyar baiThi hai

siyasat mein dama-dam apna chamcha marte jaen

agarche haarte jaen magar lalkarte jaen

baDe launDe ko maula-baKHsh-ji kitna paDhaoge!

use b-a pe rokoge ki LLB karaoge!

wo b-a hai magar b-a ki KHu aai nahin us ko

abhi man bap ke kapDon se bu aai nahin us ko

baham yun guftugu mein aashnai hoti jati hai

laDai hoti jati hai safai hoti jati hai