jada-e-fan mein baDe saKHt maqam aate hain

jāda-e-fan meñ baḌe saḳht maqām aate haiñ

mar ke rah jaatā hai fankār amar hone tak

kitne ġhālib the jo paidā hue aur mar bhī ga.e

qadr-dānoñ ko taḳhallus kī ḳhabar hone tak

kitne iqbāl rah-e-fikr meñ uTThe lekin

rāsta bhuul ga.e ḳhatm-e-safar hone tak

kitne shabbīr-hasan-ḳhāñ na bane 'josh' kabhī

mar ga.e kitne sikandar bhī jigar hone tak

'faiz' kā rañg bhī ash.ār meñ aa saktā thā

uñgliyāñ saath to deñ ḳhuun meñ tar hone tak

chand zarroñ hī ko miltī hai ziyā-e-ḳhurshīd

chand taare hī chamakte haiñ sahar hone tak

dil-e-shā.ir pe kuchh aisī hī guzartī hai 'figār'

jo kisī qatre pe guzre hai guhar hone tak

jada-e-fan mein baDe saKHt maqam aate hain

mar ke rah jata hai fankar amar hone tak

kitne ghaalib the jo paida hue aur mar bhi gae

qadr-danon ko taKHallus ki KHabar hone tak

kitne iqbaal rah-e-fikr mein uTThe lekin

rasta bhul gae KHatm-e-safar hone tak

kitne shabbir-hasan-KHan na bane 'josh' kabhi

mar gae kitne sikandar bhi jigar hone tak

'faiz' ka rang bhi ashaar mein aa sakta tha

ungliyan sath to den KHun mein tar hone tak

chand zarron hi ko milti hai ziya-e-KHurshid

chand tare hi chamakte hain sahar hone tak

dil-e-shair pe kuchh aisi hi guzarti hai 'figar'

jo kisi qatre pe guzre hai guhar hone tak