jab bhi tujhe dekha kisi bohran mein dekha

jab bhī tujhe dekhā kisī bohrān meñ dekhā

nisyān meñ dekhā kabhī hizyān meñ dekhā

gobhī bhī hai gar phuul to bas itnā batā de

collar meñ kabhī yā kabhī gul-dān meñ dekhā

aisā na ho babban ko koī chiil uchak le

nañgā use dekhā kabhī banyān meñ dekhā

biivī ne dabā rakkhā hai ab TeTuā shāyad

maiñ ne jo use hāl-e-pareshān meñ dekhā

kahte haiñ ki lailā kā ta.alluq thā arab se

ye rañg to africa o makrān meñ dekhā

ras ganne kā piine ko milā ḳhuub hameñ bhī

ye fā.eda dekhā hai to yarqān meñ dekhā

pistol chhupā rakkhā thā patlūn meñ maiñ ne

custam ke sipāhī ne jo sāmān meñ dekhā

vo chor thā yā āshiq-e-dil-gīr kisī kā

dīvār pe chaḌhte jise dālān meñ dekhā

jab bhi tujhe dekha kisi bohran mein dekha

nisyan mein dekha kabhi hizyan mein dekha

gobhi bhi hai gar phul to bas itna bata de

collar mein kabhi ya kabhi gul-dan mein dekha

aisa na ho babban ko koi chil uchak le

nanga use dekha kabhi banyan mein dekha

biwi ne daba rakkha hai ab TeTua shayad

main ne jo use haal-e-pareshan mein dekha

kahte hain ki laila ka talluq tha arab se

ye rang to africa o makran mein dekha

ras ganne ka pine ko mila KHub hamein bhi

ye faeda dekha hai to yarqan mein dekha

pistol chhupa rakkha tha patlun mein main ne

custam ke sipahi ne jo saman mein dekha

wo chor tha ya aashiq-e-dil-gir kisi ka

diwar pe chaDhte jise dalan mein dekha