جو داڑھی مونچھ ادھر غائب تو چوٹی ہے ادھر غائب

جو داڑھی مونچھ ادھر غائب تو چوٹی ہے ادھر غائب

میاں ہیں مو بہ مو غائب تو بیوی سر بہ سر غائب

اسی سے عاشقوں کی فوج کا اندازہ کر لیجے

ہوا دو چار دن میں گھس گھسا کر سنگ در غائب

ہر اک نا اہل یوں چپکا ہوا ہے اپنی کرسی سے

سمجھتا ہے یہ سرکی اور ہوا سب کر و فر غائب

نہ تھی بندش قفس میں چیخنے اور پھڑپھڑانے کی

یہ آزادی ملی لب بند ہیں اور بال و پر غائب

خدا حافظ مریضوں کا جہاں ہوں اسپتال ایسے

کہ لاتعداد نرسیں ہیں دوا اور ڈاکٹر غائب