Johnny-Walker ne kaha

sau baar ye dil jab tak reject nahīñ hogā

ye terī mohabbat meñ perfect nahīñ hogā

haiñ kitne hasīñ tauba āñkhoñ ke ye ā.īne

kyā aks mirā in meñ reflect nahīñ hogā

tum set pe jo muskā diiñ maiñ set pe huā nervous

ab kaam koī mujh se perfect nahīñ hogā

ulfat kī kyā sharteñ haiñ advance meñ dil le jā

mat soch ki ulfat kā contract nahīñ hogā

jo kuchh tire baare meñ villain se sunā maiñ ne

ai jān-e-adā hargiz vo fact nahīñ hogā

zālim tirī nazroñ ne jo hañs ke girāyā hai

ḳhema vo mere dil kā erect nahīñ hogā

ġhairoñ se bhī milvā.eñ aur ḳhud bhī mileñ tum se

tum kuchh bhī kaho ham se ye act nahīñ hogā

jo kuchh hameñ kahnā hai kah deñge ghumā kar ham

ulfat kā koī fiqra direct nahīñ hogā

chhup-chhup ke jo milne kā tum Time na.iiñ detīñ

yuuñ ishq mirā tum par reflect nahīñ hogā

chun lo ajī tum kuchh bhī mauzū-e-suḳhan lekin

vo mere raqīboñ kā subject nahīñ hogā

bhauñroñ ko gulistāñ meñ kaliyoñ ne haiñ dī dateñ

kyā merī taraf ye dil attract nahīñ hogā

dil de do hameñ vāpas ham ghar ko chale jaa.eñ

tum par mirī bātoñ kā effect nahīñ hogā

sau bar ye dil jab tak reject nahin hoga

ye teri mohabbat mein perfect nahin hoga

hain kitne hasin tauba aankhon ke ye aaine

kya aks mera in mein reflect nahin hoga

tum set pe jo muska din main set pe hua nerwous

ab kaam koi mujh se perfect nahin hoga

ulfat ki kya sharten hain adwance mein dil le ja

mat soch ki ulfat ka contract nahin hoga

jo kuchh tere bare mein willain se suna main ne

ai jaan-e-ada hargiz wo fact nahin hoga

zalim teri nazron ne jo hans ke giraya hai

KHema wo mere dil ka erect nahin hoga

ghairon se bhi milwaen aur KHud bhi milen tum se

tum kuchh bhi kaho hum se ye act nahin hoga

jo kuchh hamein kahna hai kah denge ghuma kar hum

ulfat ka koi fiqra direct nahin hoga

chhup-chhup ke jo milne ka tum Time nain detin

yun ishq mera tum par reflect nahin hoga

chun lo aji tum kuchh bhi mauzu-e-suKHan lekin

wo mere raqibon ka subject nahin hoga

bhaunron ko gulistan mein kaliyon ne hain di daten

kya meri taraf ye dil attract nahin hoga

dil de do hamein wapas hum ghar ko chale jaen

tum par meri baaton ka effect nahin hoga