kaise bayan karun main kisi gul-badan ka rang

kaise bayāñ karūñ maiñ kisī gul-badan kā rang

phīkā hai us ke sāmne zāġh-o-zaġhan kā rang

saare asātiza se churāo suḳhan kā rang

gar kuchh nikhārnā ho tumheñ apne fan kā rang

aate hī saare log chikan par aḌī paḌe

Table pe dekh paayā na maiñ ne chikan kā rang

apnā lahū bhī shāmil-e-fasl-e-bahār hai

yuuñ surḳh ho rahā hai hamāre chaman kā rang

mafhūm aur hotā hai ash'ār kā vahāñ

jiddat kī shā'irī meñ judā hai suḳhan kā rang

paḌ jaa.e rang meñ na kahīñ bhang baar meñ

ham ko to hai pasand faqat taaḌ ban kā rang

is meñ salīqa ghar kā nazar kyuuñ na aa.egā

hai muḳhtalif jo shirt se mere button kā rang

qaa.il haiñ zā.iqe ke ġharaz kyā hai rang se

dastar pe dekhte hī nahīñ ham mutton kā rang

hañste hue ġhamoñ ko chhupānā hai ai rahīm

dekhā nahīñ kisī ne bhī ranj-o-mehan kā rañg

kaise bayan karun main kisi gul-badan ka rang

phika hai us ke samne zagh-o-zaghan ka rang

sare asatiza se churao suKHan ka rang

gar kuchh nikhaarna ho tumhein apne fan ka rang

aate hi sare log chikan par aDi paDe

Table pe dekh paya na main ne chikan ka rang

apna lahu bhi shamil-e-fasl-e-bahaar hai

yun surKH ho raha hai hamare chaman ka rang

mafhum aur hota hai ash'ar ka wahan

jiddat ki sha'iri mein juda hai suKHan ka rang

paD jae rang mein na kahin bhang bar mein

hum ko to hai pasand faqat taD ban ka rang

is mein saliqa ghar ka nazar kyun na aaega

hai muKHtalif jo shirt se mere button ka rang

qail hain zaiqe ke gharaz kya hai rang se

dastar pe dekhte hi nahin hum mutton ka rang

hanste hue ghamon ko chhupana hai ai rahim

dekha nahin kisi ne bhi ranj-o-mehan ka rang