kaise ye be-eatidali jaegi

kaise ye be-e.atidālī jā.egī

kab tumhāre muñh se gaalī jā.egī

shaiḳh-jī rindoñ meñ jis din phañs ga.e

un kī dāḌhī noch Daalī jā.egī

sañkhyā khānā to mushkil hai magar

aap kahte haiñ to khā lī jā.egī

sunte haiñ mahshar meñ hogī itnī bhiiḌ

sar hī sar pheñko to thālī jā.egī

vo ye kahte haiñ maroge gar javāñ

zahmat-e-pīrāna-sālī jā.egī

kaise ye be-eatidali jaegi

kab tumhaare munh se gali jaegi

shaiKH-ji rindon mein jis din phans gae

un ki daDhi noch Dali jaegi

sankhya khana to mushkil hai magar

aap kahte hain to kha li jaegi

sunte hain mahshar mein hogi itni bhiD

sar hi sar phenko to thaali jaegi

wo ye kahte hain maroge gar jawan

zahmat-e-pirana-sali jaegi