KHuda KHair kare

ek biivī ka.ī saale haiñ ḳhudā ḳhair kare

khaal sab khīñchne vaale haiñ ḳhudā ḳhair kare

tan ke vo ujle nazar aate haiñ jitne yaaro

man ke vo itne hī kaale haiñ ḳhudā ḳhair kare

kūcha-e-yār kā tai hogā safar ab kaise

paañv meñ chhāle hī chhāle haiñ ḳhudā ḳhair kare

merā sasurāl meñ koī bhī taraf-dār nahīñ

un ke hoñToñ pe bhī taale haiñ ḳhudā ḳhair kare

kyā ta.ajjub hai kisī roz hameñ bhī Das leñ

saañp kuchh ham ne paale haiñ ḳhudā ḳhair kare

aisī tabdīlī to ham ne kabhī dekhī na sunī

ab añdhere na ujāle haiñ ḳhudā ḳhair kare

har varaq par hai chhapī ġhair-mohazzab tasvīr

kitne behūda risāle haiñ ḳhudā ḳhair kare

'pāpular' haath meñ kaTTā hai to baste meñ haiñ bam

bachche bhī kitne jiyāle haiñ ḳhudā ḳhair kare

ek biwi kai sale hain KHuda KHair kare

khaal sab khinchne wale hain KHuda KHair kare

tan ke wo ujle nazar aate hain jitne yaro

man ke wo itne hi kale hain KHuda KHair kare

kucha-e-yar ka tai hoga safar ab kaise

panw mein chhaale hi chhaale hain KHuda KHair kare

mera sasural mein koi bhi taraf-dar nahin

un ke honTon pe bhi tale hain KHuda KHair kare

kya tajjub hai kisi roz hamein bhi Das len

sanp kuchh hum ne pale hain KHuda KHair kare

aisi tabdili to hum ne kabhi dekhi na suni

ab andhere na ujale hain KHuda KHair kare

har waraq par hai chhapi ghair-mohazzab taswir

kitne behuda risale hain KHuda KHair kare

'papular' hath mein kaTTa hai to baste mein hain bam

bachche bhi kitne jiyale hain KHuda KHair kare