kis ne kaha hai ye ki KHuda se dua na mang

kis ne kahā hai ye ki ḳhudā se duā na maañg

lekin bhalā.ī yaar kī apnā burā na maañg

jo jeb kāTnī ho to apnā blade rakh

naa.ī se us ke kaam kā tū usturā na maañg

jis ne diyā hai zahr tujhe khel khel meñ

aise sitam-zarīf se to phir davā na maañg

netā hai dil kā chāhe to dil se nikāl de

lekin hamāre ghaploñ kī fard-e-sazā na maañg

mahshar kī bhīḌ-bhāḌ meñ bachchoñ kī rel-pel

mujh se mare gunah kā hisāb ai ḳhudā na maañg

sachchī namāz vo hai jo ehsāñ se paak ho

masjid ke maulvī se kabhī boriyā na maañg

dil meñ ḳhayāl-e-shādī na aa.e dhiyān rakh

ai 'rāz' jān-būjh ke ghar kī balā na maañg

kis ne kaha hai ye ki KHuda se dua na mang

lekin bhalai yar ki apna bura na mang

jo jeb kaTni ho to apna blade rakh

nai se us ke kaam ka tu ustura na mang

jis ne diya hai zahr tujhe khel khel mein

aise sitam-zarif se to phir dawa na mang

neta hai dil ka chahe to dil se nikal de

lekin hamare ghaplon ki fard-e-saza na mang

mahshar ki bhiD-bhaD mein bachchon ki rel-pel

mujh se mare gunah ka hisab ai KHuda na mang

sachchi namaz wo hai jo ehsan se pak ho

masjid ke maulwi se kabhi boriya na mang

dil mein KHayal-e-shadi na aae dhiyan rakh

ai 'raaz' jaan-bujh ke ghar ki bala na mang