kisi shoKH se dil laga chahta hai

kisī shoḳh se dil lagā chāhtā hai

ye bam ik na ik din phaTā chāhtā hai

ye banda tirā tujh se kyā chāhtā hai

tirī car meñ baiThnā chāhtā hai

vo aane ko haiñ aaj shab mere ghar meñ

mirā ghar numā.ish banā chāhtā hai

mire dil pe dhāve kī tayyāriyāñ haiñ

sweden pe hamla huā chāhtā hai

mirī mushkileñ hal huā chāhtī haiñ

mire ghar meñ radio lagā chāhtā hai

na maano mirī iltijā ko na maano

risāle meñ sab kuchh chhapā chāhtā hai

ḳhudā laa.e vo din ki vo mujh se pūchheñ

are 'laq-laqe’ bol kyā chāhtā hai

kisi shoKH se dil laga chahta hai

ye bam ek na ek din phaTa chahta hai

ye banda tera tujh se kya chahta hai

teri car mein baiThna chahta hai

wo aane ko hain aaj shab mere ghar mein

mera ghar numaish bana chahta hai

mere dil pe dhawe ki tayyariyan hain

sweden pe hamla hua chahta hai

meri mushkilen hal hua chahti hain

mere ghar mein radio laga chahta hai

na mano meri iltija ko na mano

risale mein sab kuchh chhapa chahta hai

KHuda lae wo din ki wo mujh se puchhen

are 'laq-laqe’ bol kya chahta hai