kya kya hai arz karna ye arz phir karunga

kyā kiyā hai arz karnā ye arz phir karūñgā

phir arz kyā karūñgā ye arz phir karūñgā

jab tak rahegā rassa rassa-kashī rahegī

kab tak rahegā rassa ye arz phir karūñgā

mullā ne kyā kiyā thā mullā ne kyā kiyā hai

mullā karegā kyā kyā ye arz phir karūñgā

rishvat jo roknā hai jaa.ez use karā lo

ye jā.eza hai kis kā ye arz phir karūñgā

ta.avīz to diyā thā laḌke kā pīr-jī ne

ta.avīz ne diyā kyā ye arz phir karūñgā

chhoḌā hai jab se parda mardā ga.ī hai aurat

radd-o-badal hai kyā kyā ye arz phir karūñgā

laḌkī classici thī laḌkā classical kā thā

ab kis class kā thā ye arz phir karūñgā

laḌkī ne bhī qubūlā laḌke ne bhī qubūlā

donoñ ne kyā qubūlā ye arz phir karūñgā

arqunnisā kā nusḳha mehrunnisā ne likhā

nusḳhe meñ kyā likhā thā ye arz phir karūñgā

ahl-e-nazar ko shak hai surma nahīñ lagātā

ye 'hāshmī' hai kaisā ye arz phir karūñgā

kya kiya hai arz karna ye arz phir karunga

phir arz kya karunga ye arz phir karunga

jab tak rahega rassa rassa-kashi rahegi

kab tak rahega rassa ye arz phir karunga

mulla ne kya kiya tha mulla ne kya kiya hai

mulla karega kya kya ye arz phir karunga

rishwat jo rokna hai jaez use kara lo

ye jaeza hai kis ka ye arz phir karunga

tawiz to diya tha laDke ka pir-ji ne

tawiz ne diya kya ye arz phir karunga

chhoDa hai jab se parda marda gai hai aurat

radd-o-badal hai kya kya ye arz phir karunga

laDki classici thi laDka classical ka tha

ab kis class ka tha ye arz phir karunga

laDki ne bhi qubula laDke ne bhi qubula

donon ne kya qubula ye arz phir karunga

arqunnisa ka nusKHa mehrunnisa ne likha

nusKHe mein kya likha tha ye arz phir karunga

ahl-e-nazar ko shak hai surma nahin lagata

ye 'hashmi' hai kaisa ye arz phir karunga