laDi is ThaT se mankuha-e-kafir-bayan meri

laḌī is ThaaT se mankūha-e-kāfir-bayāñ merī

farishte likhte likhte chhoḌ bhāge dāstāñ merī

mohalle-bhar kī dīvāroñ pe sar hī sar nazar aa.e

mire bachchoñ ne jis dam luuT lī tarz-e-fuġhāñ merī

ajab kuchh lutf rakhtā hai jo kahte haiñ miyāñ biivī

ki shādī ho ga.ī lekin kahāñ terī kahāñ merī

musalmāñ huuñ magar ye soch kar marne se Dartā huuñ

na jaane kis ke ghar jaa.e balā-e-nā-gahāñ merī

vahī hai iḳhtilāf-e-bāhamī kī anjuman ab to

faqat shādī ke din us ne milā.ī haañ meñ haañ merī

bahut shā.ista-e-andāz-e-guftan hai zabāñ us kī

nahīñ minnat-kash-e-tāb-e-shunīdan dāstāñ merī

laDi is ThaT se mankuha-e-kafir-bayan meri

farishte likhte likhte chhoD bhage dastan meri

mohalle-bhar ki diwaron pe sar hi sar nazar aae

mere bachchon ne jis dam luT li tarz-e-fughan meri

ajab kuchh lutf rakhta hai jo kahte hain miyan biwi

ki shadi ho gai lekin kahan teri kahan meri

musalman hun magar ye soch kar marne se Darta hun

na jaane kis ke ghar jae bala-e-na-gahan meri

wahi hai iKHtilaf-e-bahami ki anjuman ab to

faqat shadi ke din us ne milai han mein han meri

bahut shaista-e-andaz-e-guftan hai zaban us ki

nahin minnat-kash-e-tab-e-shunidan dastan meri