hamare sath ki sab laDkiyan ab naniyan hongi

Khalid Irfan

hamare sath ki sab laDkiyan ab naniyan hongi

Khalid Irfan

MORE BYKhalid Irfan

    hamāre saath sab laḌkiyāñ ab nāniyāñ hoñgī

    kabhī biscuit thiiñ lekin ab vo bāqar-ḳhāniyāñ hoñgī

    hamāre rahnumāoñ ne kuchh aise biij bo.e haiñ

    jahāñ tarbūz ugte the vahāñ ḳhūbāniyāñ hoñgī

    tumhīñ socho ki phir bārātiyoñ haal kyā hogā

    agar shādī meñ jackson-heights biryāniyāñ hoñgī

    election phir vo zil-hijj ke mahīne meñ karā.eñge

    to kyā do daañt ke voter phir qurbāniyāñ hoñgī

    ajab andāz se jannat meñ vo hūroñ pe jhapTeñge

    magar mullāoñ ko pakḌe hue mullāniyāñ hoñgī

    mire dāman meñ ḳhush-dāman ne ik hiirā jo Daalā hai

    ye daulat hai to phir kyā be-sar-o-sāmānī hoñgī

    jo s-m-s pe har laḌke ko dars-e-ishq detī haiñ

    vo saarī laḌkiyāñ collage meñ kal ustāniyāñ hoñgī

    yahāñ tum sajda-e-ta.azīm-e-insāñ ko bajā laao

    vahāñ zanjīr meñ jakḌī huī peshāniyāñ hoñgī

    hamare sath ki sab laDkiyan ab naniyan hongi

    kabhi biscuit thin lekin ab wo baqar-KHaniyan hongi

    hamare rahnumaon ne kuchh aise bij boe hain

    jahan tarbuz ugte the wahan KHubaniyan hongi

    tumhin socho ki phir baraatiyon ka haal kya hoga

    agar shadi mein jackson-heights ki biryaniyan hongi

    election phir wo zil-hijj ke mahine mein karaenge

    to kya do dant ke woter ki phir qurbaniyan hongi

    ajab andaz se jannat mein wo huron pe jhapTenge

    magar mullaon ko pakDe hue mullaniyan hongi

    mere daman mein KHush-daman ne ek hira jo Dala hai

    ye daulat hai to phir kya be-sar-o-samani hongi

    jo s-m-s pe har laDke ko dars-e-ishq deti hain

    wo sari laDkiyan collage mein kal ustaniyan hongi

    yahan tum sajda-e-tazim-e-insan ko baja lao

    wahan zanjir mein jakDi hui peshaniyan hongi

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    speakNow