مٹن کی سمت میں بڑھتا ہوں تو کباب اٹھا

مٹن کی سمت میں بڑھتا ہوں تو کباب اٹھا

یہ لمحہ بھر کا تماشا ہے بے حجاب اٹھا

ہماری زلف سیہ کا بھرم نہ کھل جائے

بچا ہوا ہے جو پیالی میں وہ خضاب اٹھا

اگر ہے نیند نہ آنے کا عارضہ تجھ کو

تو بیڈ پہ لیٹ کے فوراً کوئی کتاب اٹھا

تو ریڈیو ہے زمانے سے اب تو بن ٹی وی

صدا کے ساتھ ہی پکچر بھی ہو نقاب اٹھا

طرح طرح کے مسائل ہیں عاشقوں کے لیے

کسی بھی عہد محبت کا تو نصاب اٹھا

میں سانس روک کے بیٹھا ہوں رحم کر مجھ پر

ابھی جو ایک اتاری ہے وہ جراب اٹھا

یہ لگ رہا ہے تری دال اب نہیں گلنی

جو اس کے واسطے لایا ہے وہ گلاب اٹھا