na dekho

dukhegā aur merā man na dekho

baḌhegī aur bhī uljhan na dekho

hañsātā huuñ sabhoñ ko bas ye dekho

mirā bhīgā huā dāman na dekho

tum apne chāk-dāman kī ḳhabar lo

mirā bosīda pairāhan na dekho

ḳhud apne aap se Dar jāoge tum

añdhere meñ kabhī darpan na dekho

na harf aa.e kahīñ mardāngī par

burī nazroñ se husn-e-zan na dekho

agar hai husn be-parda to dekho

magar tum jānib-e-chilman na dekho

sahī likkho to āñkheñ band kar lo

jo hotī hai koī qadġhan na dekho

faqat tanqīd hī karne kī ḳhātir

nazar vāloñ kisī kā fan na dekho

kisī bekas kī duḳhtar byaah laao

sharāfat dekho us kā dhan na dekho

ye dekho ghar meñ dīvāreñ haiñ chhat hai

baḌā-chhoTā kabhī āñgan na dekho

abhī sab zaḳhm taaza aur hare haiñ

abhī tum 'ḳhvāh-maḳhvāh' nāḳhan na dekho

dukhega aur mera man na dekho

baDhegi aur bhi uljhan na dekho

hansata hun sabhon ko bas ye dekho

mera bhiga hua daman na dekho

tum apne chaak-daman ki KHabar lo

mera bosida pairahan na dekho

KHud apne aap se Dar jaoge tum

andhere mein kabhi darpan na dekho

na harf aae kahin mardangi par

buri nazron se husn-e-zan na dekho

agar hai husn be-parda to dekho

magar tum jaanib-e-chilman na dekho

sahi likkho to aankhen band kar lo

jo hoti hai koi qadghan na dekho

faqat tanqid hi karne ki KHatir

nazar walon kisi ka fan na dekho

kisi bekas ki duKHtar byah lao

sharafat dekho us ka dhan na dekho

ye dekho ghar mein diwaren hain chhat hai

baDa-chhoTa kabhi aangan na dekho

abhi sab zaKHm taza aur hare hain

abhi tum 'KHwah-maKHwah' naKHan na dekho