naya banjara-nama

us baap se naata toḌ liyā jis baap kā thā behad pyārā

tū maal haḌap kar baiThā hai rotā hai ḳhusur bhī bechārā

dastoñ meñ aag hī niklegī khā.egā agar tū añgārā

tū maal aur dhan ke chakkar meñ phirtā hai abas maarā maarā

sab ThaaT paḌā rah jā.egā jab laad chalegā bañjārā

kyā fā.eda rusvā hone se rusvā.ī kā āġhāz na kar

jis haal meñ tū hai achchhā hai ab ārzu-e-e.azāz na kar

ḳhvāboñ kī anokhī duniyā meñ tū had se sivā parvāz na kar

daulat se vafā nā-mumkin hai daulat pe ziyāda naaz na kar

sab ThaaT paḌā rah jā.egā jab laad chalegā bañjārā

shauhar kī tabāhī kī ḳhātir bas ek hī aurat kaafī hai

ye baat na sab par zāhir ho to sāhib daulat kaafī hai

das biis imārat kyā hoñgī bas ek imārat kaafī hai

anjām samajhne kī ḳhātir shaddād kī jannat kaafī hai

sab ThaaT paḌā rah jā.egā jab laad chalegā bañjārā

chhai kāreñ haiñ do caroñ ko ḳhairāt meñ de de achchhā hai

tū qaum ke ḳhidmat-gāroñ ko ḳhairāt meñ de de achchhā hai

jo kuchh hai vo ġham ke māroñ ko ḳhairāt meñ de de achchhā hai

tū apnī zamīñ nādāroñ ko ḳhairāt meñ de de achchhā hai

sab ThaaT paḌā rah jā.egā jab laad chalegā bañjārā

us bap se nata toD liya jis bap ka tha behad pyara

tu mal haDap kar baiTha hai rota hai KHusur bhi bechaara

daston mein aag hi niklegi khaega agar tu angara

tu mal aur dhan ke chakkar mein phirta hai abas mara mara

sab ThaT paDa rah jaega jab lad chalega banjara

kya faeda ruswa hone se ruswai ka aaghaz na kar

jis haal mein tu hai achchha hai ab aarzu-e-eazaz na kar

KHwabon ki anokhi duniya mein tu had se siwa parwaz na kar

daulat se wafa na-mumkin hai daulat pe ziyaada naz na kar

sab ThaT paDa rah jaega jab lad chalega banjara

shauhar ki tabahi ki KHatir bas ek hi aurat kafi hai

ye baat na sab par zahir ho to sahib daulat kafi hai

das bis imarat kya hongi bas ek imarat kafi hai

anjam samajhne ki KHatir shaddad ki jannat kafi hai

sab ThaT paDa rah jaega jab lad chalega banjara

chhai karen hain do caron ko KHairaat mein de de achchha hai

tu qaum ke KHidmat-garon ko KHairaat mein de de achchha hai

jo kuchh hai wo gham ke maron ko KHairaat mein de de achchha hai

tu apni zamin nadaron ko KHairaat mein de de achchha hai

sab ThaT paDa rah jaega jab lad chalega banjara