aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ghaalib ko bura kyun kaho

Dilawar Figar

ghaalib ko bura kyun kaho

Dilawar Figar

MORE BYDilawar Figar

    kal ek nāqid-e-'ġhālib' ne mujh se ye pūchhā

    ki qadr-e-'ġhālib'-e-marhūm sabab kyā hai

    mujhe batāo ki dīvān-e-hazrat-e-'ġhālib'

    kalām-e-pāk hai injīl hai ki giitā hai

    sunā hai shahr-e-karachi meñ ek sāhab haiñ

    kalām un bhī 'ġhālib' se miltā jultā hai

    hamārā dost tufailī bhī hai baḌā shā.er

    agarche ek baḌe aadmī chamcha hai

    to phir ye ġhālib-e-marhūm barsī kyuuñ

    mujhe batāo ki un meñ ḳhusūsiyat kyā hai

    na 'zauq' hai kahīñ tazkira na 'momin'

    na zikr-e-'mīr' kahīñ hai na yaum-e-'saudā' hai

    ye 'faiz' o 'māhir' o 'josh' o 'firāq' kuchh bhī kaheñ

    mirī nazar meñ to 'ġhālib' se zauq ūñchā hai

    mujhe to 'mīr-taqī-mīr' se hai ek lagāv

    ki 'mīr' kuchh bhī sahī shā.erī to kartā hai

    ye rañg laa.ī hai 'ġhālib' party-bandī

    ki aaj saare jahāñ meñ usī charchā hai

    ye ruus vaale jo 'ġhālib' pe jaan dete haiñ

    mire ḳhayāl meñ is meñ bhī koī ghaplā hai

    kahāñ ke aise baḌe artist the 'ġhālib'

    ye chand ahl-e-adab propaganda hai

    anā ne maar diyā varna shā.er achchhā thā

    natīja ye ki jo honā thā us aadhā hai

    likhī hai ek ġhazal radīf ''hone tak''

    koī batā.e ki kyā ye bhī sahv-e-imlā hai

    kabhī hai mahv hasīnoñ se dhaul-dhappā meñ

    kabhī kisī vo sote meñ bosa letā hai

    jo kah rahe haiñ ki 'ġhālib' hai falsafī shā.er

    mujhe batā.eñ ki bose meñ falsafa kyā hai

    jahāñ raqam tavaqqo huī qasīda kahā

    tumhīñ kaho ki ye me.ār-e-shā.erī kyā hai

    sharāb jaam meñ hai aur jaam hāthoñ meñ

    magar ye rind-e-balā-nosh phir bhī pyāsā hai

    jo shā.erī ho tajammul-husain-ḳhāñ ke liye

    vo ik tarah ḳhushāmad hai shā.erī kyā hai

    ḳhitāb o ḳhil.at o darbār ke liye us ne

    na jaane kitne amīroñ pe jaal Daalā hai

    sunā ye hai ki vo suufī bhī thā valī bhī thā

    ab is ke ba.ad to paiġhambarī darja hai

    kahā jo maiñ ne ki paḌhiye to pahle 'ġhālib' ko

    to bole ḳhaak paḌhūñ mudda.ā to anqā hai

    mujhe ḳhabar hai ki 'ġhālib' zindagī kyā thī

    ki maiñ ne hazrat-e-ġhālib film dekhā hai

    sunī jo maiñ ne ye tanqīd to samajh na sakā

    ki is ġharīb ko 'ġhālib' se dushmanī kyā hai

    samajh gayā ki ye bakvās be-sabab to nahīñ

    dimāġh koī purza zarūr Dhīlā hai

    baḌhī jo baat to phir maiñ ne us ko samjhāyā

    adab meñ hazrat-e-ġhālib martaba kyā hai

    batāyā us ko ki vo zindagī hai shā.er

    bahut qarīb se duniyā ko us ne dekhā hai

    ajab tazād hāmil hai us shaḳhsiyyat

    ajiib shaḳhs hai barbād ho ke hañstā hai

    charāġh-e-sub.h mānind zindagī us

    ik aasrā hai ik armāñ hai ik tamannā hai

    jo us ko roknā chāho to aur tez bahe

    ajiib mauj-e-ravāñ hai ajiib dariyā hai

    chipak rahā hai badan par lahū se pairāhan

    rafū us ko zarūrat hai aur na parvā hai

    vo likh rahā hai hikāyāt-e-ḳhūñ-chakān-e-junūn

    jabhī to us ke qalam se lahū Tapaktā hai

    bas ek lafz ke parde meñ dāstāñ kahnā

    ye fikr-o-fan bulandī usī hissa hai

    na kyuuñ hoñ aaj vo mash.hūr puurī duniyā meñ

    ki us fikr mauzūa puurī duniyā hai

    pahuñch gayā hai vo us manzil-e-tafakkur par

    jahāñ dimāġh bhī dil tarah dhaḌaktā hai

    kabhī to us koī sher-e-sāda-o-rañgīñ

    ruḳh-e-bashar tarah kaifiyat badaltā hai

    ye ham ne maanā ki kuchh ḳhāmiyāñ bhī thiiñ us meñ

    vo ḳhāmiyāñ nahīñ rakhtā ye kis da.avā hai

    vo aadmī thā ḳhatā aadmī hai fitrat

    ye kyuuñ kaheñ ki vo insāñ nahīñ farishta hai

    jo chāhte haiñ ki fauq-ul-bashar banā deñ use

    hameñ to us ke un ahbāb se bhī shikva hai

    hazār logoñ ne chāhā ki us ke saath chaleñ

    magar vo pahle bhī tanhā thā ab bhī tanhā hai

    kabhī valī kabhī vaa.iz kabhī ḳharābātī

    samajh sako to samajh lo vo ik mo.ammā hai

    agar ye sach hai ki alfāz ruuh rakhte haiñ

    to ye bhī sach hai vo alfāz masīhā hai

    kal ek naqid-e-'ghaalib' ne mujh se ye puchha

    ki qadr-e-'ghaalib'-e-marhum ka sabab kya hai

    mujhe batao ki diwan-e-hazrat-e-'ghaalib'

    kalam-e-pak hai injil hai ki gita hai

    suna hai shahr-e-karachi mein ek sahab hain

    kalam un ka bhi 'ghaalib' se milta julta hai

    hamara dost tufaili bhi hai baDa shaer

    agarche ek baDe aadmi ka chamcha hai

    to phir ye ghaalib-e-marhum ki hi barsi kyun

    mujhe batao ki un mein KHususiyat kya hai

    na 'zauq' ka hai kahin tazkira na 'momin' ka

    na zikr-e-'mir' kahin hai na yaum-e-'sauda' hai

    ye 'faiz' o 'mahir' o 'josh' o 'firaq' kuchh bhi kahen

    meri nazar mein to 'ghaalib' se zauq uncha hai

    mujhe to 'mir-taqi-mir' se hai ek lagaw

    ki 'mir' kuchh bhi sahi shaeri to karta hai

    ye rang lai hai 'ghaalib' ki party-bandi

    ki aaj sare jahan mein usi ka charcha hai

    ye rus wale jo 'ghaalib' pe jaan dete hain

    mere KHayal mein is mein bhi koi ghapla hai

    kahan ke aise baDe artist the 'ghaalib'

    ye chand ahl-e-adab ka propaganda hai

    ana ne mar diya warna shaer achchha tha

    natija ye ki jo hona tha us ka aadha hai

    likhi hai ek ghazal ki radif hone tak

    koi batae ki kya ye bhi sahw-e-imla hai

    kabhi hai mahw hasinon se dhaul-dhappa mein

    kabhi kisi ka wo sote mein bosa leta hai

    jo kah rahe hain ki 'ghaalib' hai falsafi shaer

    mujhe bataen ki bose mein falsafa kya hai

    jahan raqam ki tawaqqo hui qasida kaha

    tumhin kaho ki ye mear-e-shaeri kya hai

    sharab jam mein hai aur jam hathon mein

    magar ye rind-e-bala-nosh phir bhi pyasa hai

    jo shaeri ho tajammul-husain-KHan ke liye

    wo ek tarah ki KHushamad hai shaeri kya hai

    KHitab o KHilat o darbar ke liye us ne

    na jaane kitne amiron pe jal Dala hai

    suna ye hai ki wo sufi bhi tha wali bhi tha

    ab is ke baad to paighambari ka darja hai

    kaha jo main ne ki paDhiye to pahle 'ghaalib' ko

    to bole KHak paDhun muddaa to anqa hai

    mujhe KHabar hai ki 'ghaalib' ki zindagi kya thi

    ki main ne hazrat-e-ghaalib ka film dekha hai

    suni jo main ne ye tanqid to samajh na saka

    ki is gharib ko 'ghaalib' se dushmani kya hai

    samajh gaya ki ye bakwas be-sabab to nahin

    dimagh ka koi purza zarur Dhila hai

    baDhi jo baat to phir main ne us ko samjhaya

    adab mein hazrat-e-ghaalib ka martaba kya hai

    bataya us ko ki wo zindagi ka hai shaer

    bahut qarib se duniya ko us ne dekha hai

    ajab tazad ki hamil hai us ki shaKHsiyyat

    ajib shaKHs hai barbaad ho ke hansta hai

    charagh-e-subh ki manind zindagi us ki

    ek aasra hai ek arman hai ek tamanna hai

    jo us ko rokna chaho to aur tez bahe

    ajib mauj-e-rawan hai ajib dariya hai

    chipak raha hai badan par lahu se pairahan

    rafu ki us ko zarurat hai aur na parwa hai

    wo likh raha hai hikayat-e-KHun-chakan-e-junun

    jabhi to us ke qalam se lahu Tapakta hai

    bas ek lafz ke parde mein dastan kahna

    ye fikr-o-fan ki bulandi usi ka hissa hai

    na kyun hon aaj wo mashhur puri duniya mein

    ki us ki fikr ka mauzua puri duniya hai

    pahunch gaya hai wo us manzil-e-tafakkur par

    jahan dimagh bhi dil ki tarah dhaDakta hai

    kabhi to us ka koi sher-e-sada-o-rangin

    ruKH-e-bashar ki tarah kaifiyat badalta hai

    ye hum ne mana ki kuchh KHamiyan bhi thin us mein

    wo KHamiyan nahin rakhta ye kis ka dawa hai

    wo aadmi tha KHata aadmi ki hai fitrat

    ye kyun kahen ki wo insan nahin farishta hai

    jo chahte hain ki fauq-ul-bashar bana den use

    hamein to us ke un ahbab se bhi shikwa hai

    hazar logon ne chaha ki us ke sath chalen

    magar wo pahle bhi tanha tha ab bhi tanha hai

    kabhi wali kabhi waiz kabhi KHarabaati

    samajh sako to samajh lo wo ek moamma hai

    agar ye sach hai ki alfaz ruh rakhte hain

    to ye bhi sach hai wo alfaz ka masiha hai

    Source:

    Kulliyat-e-Dilavar Figar (Pg. 276)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now