rishwat-KHor sarkari mulazmin

aise gallop sarvey ko ham kah nahīñ sakte daroġh

jo ye kahtā hai ki ab rishvat ko hāsil hai faroġh

ham bhī kahte haiñ ki sach hai aaj ye sarvey zarūr

ek chauthā.ī mulāzim haiñ yahāñ rishvat se duur

ek chauthā.ī meñ bhī vo log haiñ das fīsadī

jo corruption ko usūlan bhī samajhte haiñ badī

vo usūloñ ke sabab se baat kahte haiñ kharī

ismat-e-bī-bī nahīñ hai un ko az ''be-chādarī''

baaqī aise log bhī rahmat haiñ apne daur par

jo corruption ke liye unfit haiñ tibbī taur par

vo salāhiyat jo hai shart ek rishvat-ḳhor meñ

us kī hai behad kamī un ke dil-e-kamzor meñ

so meñ das aise bhī sarkārī mulāzim haiñ ġharīb

jis idāre meñ vo naukar haiñ vo ḳhud hai bad-nasīb

pay to pābandī se miltī hai magar ill-paid haiñ

post-office meñ haiñ afsar dākiyoñ ke head haiñ

ye money-order haiñ ye bime ḳhutūt aur parcel

sirf ik tanḳhvāh puurī Daak kā nemul-badal

railway meñ jo mulāzim haiñ vo haiñ chalte hue

dekhte haiñ ḳhud bhī apnā āshiyāñ jalte hue

sabz signal hotā hai yā surḳh battī jaltī hai

rail ke ham-rāh rishvat kī bhī gaaḌī chaltī hai

mahkme vo bhī to haiñ jo toḌ dete haiñ makān

un ko rishvat ḳhuub miltī hai ye hai qudrat kī shaan

mahkme vo bhī haiñ jo haiñ pāsbāñ qānūn ke

pākī-e-dāmāñ meñ dhabbe dekhte haiñ ḳhuun ke

mujrmoñ se milte-julte naam haiñ un ko pasand

thī ḳhatā ''ambar'' kī lekin kar diyā ''qambar'' ko band

mahkama vo bhī hai jis ke ro.ab se Dartā hai shahr

us kī rag rag meñ sarāyat kar gayā rishvat kā zahr

ek mulāzim vo bhī hai tadrīs jis kā farz hai

jitnī pay hai us kī kuchh us se ziyāda qarz hai

excise aur custam se sabhī ko pyaar hai

is jagah ḳhādim frē service ko bhī tayyār hai

yuuñ bhī ik daftar ne mujh pe ḳhauf taarī kar diyā

bil raqīboñ kā thā mere naam jaarī kar diyā

ab vahāñ chaliye jahāñ wagon khaḌe haiñ maal ke

ḳhuub rishvat chal rahī hai ma.arifat dallāl ke

metrology ko rishvat bhī nahīñ detā koī

log barham haiñ ki be-notice ke bārish kyuuñ huī

kaisā daftar hai jo future ko banā detā hai past

abr kal barsā thā lekin aaj kī hai ''forecast''

aur idāroñ se nahīñ miltā jo daftar met kā

is liye darbān bhī ġhā.eb hai us ke gate kā

metrology kā afsar bhī baḌī mushkil meñ hai

vo yahāñ mausam nahīñ hai jo vahāñ file meñ hai

met-office nā-balad hai chūñki kuchh ausāf se

log rishvat māñgte haiñ met ke staff se

aise gallop sarwey ko hum kah nahin sakte darogh

jo ye kahta hai ki ab rishwat ko hasil hai farogh

hum bhi kahte hain ki sach hai aaj ye sarwey zarur

ek chauthai mulazim hain yahan rishwat se dur

ek chauthai mein bhi wo log hain das fisadi

jo corruption ko usulan bhi samajhte hain badi

wo usulon ke sabab se baat kahte hain khari

ismat-e-bi-bi nahin hai un ko az be-chadari

baqi aise log bhi rahmat hain apne daur par

jo corruption ke liye unfit hain tibbi taur par

wo salahiyat jo hai shart ek rishwat-KHor mein

us ki hai behad kami un ke dil-e-kamzor mein

so mein das aise bhi sarkari mulazim hain gharib

jis idare mein wo naukar hain wo KHud hai bad-nasib

pay to pabandi se milti hai magar ill-paid hain

post-office mein hain afsar dakiyon ke head hain

ye money-order hain ye bime KHutut aur parcel

sirf ek tanKHwah puri Dak ka nemul-badal

railway mein jo mulazim hain wo hain chalte hue

dekhte hain KHud bhi apna aashiyan jalte hue

sabz signal hota hai ya surKH batti jalti hai

rail ke ham-rah rishwat ki bhi gaDi chalti hai

mahkme wo bhi to hain jo toD dete hain makan

un ko rishwat KHub milti hai ye hai qudrat ki shan

mahkme wo bhi hain jo hain pasban qanun ke

paki-e-daman mein dhabbe dekhte hain KHun ke

mujrmon se milte-julte nam hain un ko pasand

thi KHata ambar ki lekin kar diya qambar ko band

mahkama wo bhi hai jis ke roab se Darta hai shahr

us ki rag rag mein sarayat kar gaya rishwat ka zahr

ek mulazim wo bhi hai tadris jis ka farz hai

jitni pay hai us ki kuchh us se ziyaada qarz hai

excise aur custam se sabhi ko pyar hai

is jagah KHadim free serwice ko bhi tayyar hai

yun bhi ek daftar ne mujh pe KHauf tari kar diya

bil raqibon ka tha mere nam jari kar diya

ab wahan chaliye jahan wagon khaDe hain mal ke

KHub rishwat chal rahi hai marifat dallal ke

metrology ko rishwat bhi nahin deta koi

log barham hain ki be-notice ke barish kyun hui

kaisa daftar hai jo future ko bana deta hai past

abr kal barsa tha lekin aaj ki hai forecast

aur idaron se nahin milta jo daftar met ka

is liye darban bhi ghaeb hai us ke gate ka

metrology ka afsar bhi baDi mushkil mein hai

wo yahan mausam nahin hai jo wahan file mein hai

met-office na-balad hai chunki kuchh ausaf se

log rishwat mangte hain met ke staff se