ruh-e-waiz ke phaDakne ka maqam aata hai

rūh-e-vā.iz ke phaḌakne kā maqām aatā hai

dast-e-sāqī se mare haath meñ jaam aatā hai

maiñ hī kyā fāltū duniyā meñ huuñ allāh mire

jo bhī ġham chaltā hai sīdhā mire naam aatā hai

uuñT kī tarah haiñ ye shaiḳh-o-barahman badnām

un hī be-chāroñ kā har baat meñ naam aatā hai

donoñ hī ek haiñ lā-haul ho yā lafz-e-sharāb

ek shaitān ke ik shaiḳh ke kaam aatā hai

sunte haiñ jitnī hasīnoñ se sivā hoñ bāteñ

utnā hī husn-e-bayāñ husn-e-kalām aatā hai

nār-o-jannat kī sunātā hai ḳhabar yuuñ vaa.iz

jaise aḳhbār vahāñ se tire naam aatā hai

ishq kī raah meñ kuchh aur maqāmāt ke saath

ik kachehrī ke kaTahre kā maqām aatā hai

hāsid is vāste julte haiñ ziyāda 'māchis'

har jagah ahl-e-adab meñ tirā naam aatā hai

ruh-e-waiz ke phaDakne ka maqam aata hai

dast-e-saqi se mare hath mein jam aata hai

main hi kya faltu duniya mein hun allah mere

jo bhi gham chalta hai sidha mere nam aata hai

unT ki tarah hain ye shaiKH-o-barahman badnam

un hi be-chaaron ka har baat mein nam aata hai

donon hi ek hain la-haul ho ya lafz-e-sharab

ek shaitan ke ek shaiKH ke kaam aata hai

sunte hain jitni hasinon se siwa hon baaten

utna hi husn-e-bayan husn-e-kalam aata hai

nar-o-jannat ki sunata hai KHabar yun waiz

jaise aKHbar wahan se tere nam aata hai

ishq ki rah mein kuchh aur maqamat ke sath

ek kachehri ke kaTahre ka maqam aata hai

hasid is waste julte hain ziyaada 'machis'

har jagah ahl-e-adab mein tera nam aata hai