sabiq wazir

maddāh kaun ho ki maiñ sābiq vazīr huuñ

chup haiñ qasīda-go ki maiñ sābiq vazīr huuñ

kal tak mujhe thā tum se mulāqāt se gurez

ab shauq se milo ki maiñ sābiq vazīr huuñ

āġhāz ye thā mujh se sabaq paḌhte the avaam

anjām dekh lo ki maiñ sābiq vazīr huuñ

dānish-var o adiib o mudīr o sahāfiyo!

mere liye likho ki maiñ sābiq vazīr huuñ

koī nahīñ to tum to raho mere ham-qadam

ai mere sābiqo ki maiñ sābiq vazīr huuñ

''yes-man'' the jo log ab un kī taraf se bhī

har baat par hai ''no'' ki maiñ sābiq vazīr huuñ

mumkin hai mujh se sābiqa ā.inda phir paḌe

''us vaqt se Daro'' ki maiñ sābiq vazīr huuñ

ai tālibān-e-ilm siyāsat ke baab meñ

mujh se sabaq paḌho ki maiñ sābiq vazīr huuñ

merī ḳhabar na denā magar ai sahāfiyo!

photo to kheñch lo ki maiñ sābiq vazīr huuñ

maiñ ne hī apne mulk kī daulat ko luuTā hai

ye bahs mat karo ki maiñ sābiq vazīr huuñ

maddah kaun ho ki main sabiq wazir hun

chup hain qasida-go ki main sabiq wazir hun

kal tak mujhe tha tum se mulaqat se gurez

ab shauq se milo ki main sabiq wazir hun

aaghaz ye tha mujh se sabaq paDhte the awam

anjam dekh lo ki main sabiq wazir hun

danish-war o adib o mudir o sahafiyo!

mere liye likho ki main sabiq wazir hun

koi nahin to tum to raho mere ham-qadam

ai mere sabiqo ki main sabiq wazir hun

yes-man the jo log ab un ki taraf se bhi

har baat par hai no ki main sabiq wazir hun

mumkin hai mujh se sabiqa aainda phir paDe

us waqt se Daro ki main sabiq wazir hun

ai taliban-e-ilm siyasat ke bab mein

mujh se sabaq paDho ki main sabiq wazir hun

meri KHabar na dena magar ai sahafiyo!

photo to khench lo ki main sabiq wazir hun

main ne hi apne mulk ki daulat ko luTa hai

ye bahs mat karo ki main sabiq wazir hun