شادی سے پہلے

بیگم تمہاری یاد میں اپنا یہ حال ہے

گر رات کٹ بھی جائے تو دن کا سوال ہے

کھا کر یہ حال ہو گیا ہوٹل کی روٹیاں

جیسے کہ ہڈیوں پہ منڈھی میری کھال ہے

یوں تو گزر رہی ہے تمہارے بغیر بھی

لیکن بڑی اداس بڑی خستہ حال ہے

اپنے پرائے سب تمہیں مل مل کے آ گئے

بس میں ہی مل نہ پاؤں یہ کیسا کمال ہے

جی چاہتا ہے توڑوں رواجوں کی بندشیں

دنیا حرام زادی کا لیکن خیال ہے

شادی کا ذکر جب کیا اماں کے سامنے

ہر سال یہ کہا کہ بس اب اگلے سال ہے

اس دن تمہارا برقعے میں دیدار کیا ہوا

نظروں میں آج تک وہ ادھورا جمال ہے