shairi mein ek tamasha ab wo dikhlane ko hai

shā.irī meñ ik tamāsha ab vo dikhlāne ko hai

maar kar merī ġhazal mahfil pe chhā jaane ko hai

saare ullū kyā kareñge sochtā huuñ raat bhar

tīrgī kā raaj ab duniyā se miT jaane ko hai

bad-duā hai husn vāloñ kī jo hai āshob-e-chashm

un ko dekhā pyaar se aur aañkh ab aane ko hai

ab tarannum kī rivāyat bhī purānī ho ga.ī

ek shā.ir apnī ġhazleñ saaz par gaane ko hai

shā.irī meñ bhī siyāsat ghus ga.ī hai dosto

pārTī baazī yahāñ bhī jaal phailāne ko hai

hosh uḌātī hai girānī saare mai-ḳhvāroñ ke aaj

kaun kahtā hai sharaf hāsil ye mai-ḳhāne ko hai

bhuuk kī jānib na jaa.e zehn bachchoñ kā mire

is liye T V mirā ab dil ke bahlāne ko hai

hai bajaT ghāTe meñ jurmāne zarūrī haiñ yahāñ

is liye sarkār merī luuT kar khāne ko hai

ahl-e-fan sab jā rahe haiñ chhoḌ kar duniyā 'rahīm'

shā.irī meñ ab tumhārī daal gal jaane ko hai

shairi mein ek tamasha ab wo dikhlane ko hai

mar kar meri ghazal mahfil pe chha jaane ko hai

sare ullu kya karenge sochta hun raat bhar

tirgi ka raj ab duniya se miT jaane ko hai

bad-dua hai husn walon ki jo hai aashob-e-chashm

un ko dekha pyar se aur aankh ab aane ko hai

ab tarannum ki riwayat bhi purani ho gai

ek shair apni ghazlen saz par gane ko hai

shairi mein bhi siyasat ghus gai hai dosto

parTi bazi yahan bhi jal phailane ko hai

hosh uDati hai girani sare mai-KHwaron ke aaj

kaun kahta hai sharaf hasil ye mai-KHane ko hai

bhuk ki jaanib na jae zehn bachchon ka mere

is liye T V mera ab dil ke bahlane ko hai

hai bajaT ghaTe mein jurmane zaruri hain yahan

is liye sarkar meri luT kar khane ko hai

ahl-e-fan sab ja rahe hain chhoD kar duniya 'rahim'

shairi mein ab tumhaari dal gal jaane ko hai