shab ko daliya dala kare koi

shab ko daliyā dalā kare koī

sub.h ko nāshta kare koī

is kā bhī faisla kare koī

kis se kitnī hayā kare koī

aadmī se sulūk duniyā kā

jaise anDā talā kare koī

chiiz miltī hai sarf kī had tak

apnā chamcha baḌā kare koī

baat vo jo kaho sar-e-darbār

ishq jo barmalā kare koī

sochtā huuñ ki is zamāne meñ

daadī ammāñ ko kyā kare koī

jis se ghar hī chale na mulk chale

aisī ta.alīm kyā kare koī

dil bhī ik shahr hai yahāñ bhī kabhī

omnī bas chalā kare koī

aisī qismat kahāñ 'zamīr' apnī

aa ke pīchhe se ''tā'' kare koī

shab ko daliya dala kare koi

subh ko nashta kare koi

is ka bhi faisla kare koi

kis se kitni haya kare koi

aadmi se suluk duniya ka

jaise anDa tala kare koi

chiz milti hai sarf ki had tak

apna chamcha baDa kare koi

baat wo jo kaho sar-e-darbar

ishq jo barmala kare koi

sochta hun ki is zamane mein

dadi amman ko kya kare koi

jis se ghar hi chale na mulk chale

aisi talim kya kare koi

dil bhi ek shahr hai yahan bhi kabhi

omni bas chala kare koi

aisi qismat kahan 'zamir' apni

aa ke pichhe se ta kare koi