شرائط رشتہ

گنجا ہو یا کانا ہو

لڑکا لیکن رانا ہو

پاگل ہو دیوانہ ہو

لڑکا لیکن رانا ہو

کوٹھی اور مکان نہیں

اس کا کچھ ارمان نہیں

چاہے تنبو تانا ہو

لڑکا لیکن رانا ہو

شہزادوں سی شکل نہ ہو

پڑھے لکھوں سی عقل نہ ہو

پیٹ اس کا ہندوانہ ہو

لڑکا لیکن رانا ہو

چال چلن بھی ٹھیک نہ ہو

نیکی کے نزدیک نہ ہو

تھانے آنا جانا ہو

لڑکا لیکن رانا ہو

آئے وہ آزادی سے

جس کا پچھلی شادی سے

بچہ ایک سیانا ہو

لڑکا لیکن رانا ہو

پاس ہو یا ہو دور کہیں

جگہ کی کوئی قید نہیں

لندن ہو ننکانہ ہو

لڑکا لیکن رانا ہو