shash-jihat nuh falak aaenge nazar do-baTa-tin

shash-jihat nuh falak ā.eñge nazar do-baTā-tīn

chhe-baTā-nau ke barābar hai agar do-baTā-tīn

do khilaune jo kabhī ham ne tipā.ī pe dhare

aa ga.e saaf muhandis ko nazar do-baTā-tīn

tālib-e-ḳhair na hoñge kabhī insān se ham

naam us kā hai bashar us meñ hai shar do-baTā-tīn

munhasir quvvat-e-bāzū pe hai daulat-mandī

dekh lo zor meñ maujūd hai zar do-baTā-tīn

malak-ul-maut se duniyā meñ hirāsāñ nahīñ kaun

jis ko kahte haiñ niDar us meñ hai Dar do-baTā-tīn

bīsvīñ raat mahīne kī jab aa jaatī hai

ġham meñ rah jaatā hai ghul ghul ke qamar do-baTā-tīn

zālimo ḳhauf karo aah ko samjho na haqīr

lafz-e-allāh meñ hai is kā asar do-baTā-tīn

khoTī manzil kiye detī hai tirī yaad nadīm

rāh-rau kā abhī baaqī hai safar do-baTā-tīn

do-baTā-tīn kī rakkhī hai jo ai 'josh' radīf

she'r bhī nikle haiñ maqbūl-e-nazar do-baTā-tīn

shash-jihat nuh falak aaenge nazar do-baTa-tin

chhe-baTa-nau ke barabar hai agar do-baTa-tin

do khilaune jo kabhi hum ne tipai pe dhare

aa gae saf muhandis ko nazar do-baTa-tin

talib-e-KHair na honge kabhi insan se hum

nam us ka hai bashar us mein hai shar do-baTa-tin

munhasir quwwat-e-bazu pe hai daulat-mandi

dekh lo zor mein maujud hai zar do-baTa-tin

malak-ul-maut se duniya mein hirasan nahin kaun

jis ko kahte hain niDar us mein hai Dar do-baTa-tin

biswin raat mahine ki jab aa jati hai

gham mein rah jata hai ghul ghul ke qamar do-baTa-tin

zalimo KHauf karo aah ko samjho na haqir

lafz-e-allah mein hai is ka asar do-baTa-tin

khoTi manzil kiye deti hai teri yaad nadim

rah-rau ka abhi baqi hai safar do-baTa-tin

do-baTa-tin ki rakkhi hai jo ai 'josh' radif

she'r bhi nikle hain maqbul-e-nazar do-baTa-tin