shauhar ki fitrat

ham ko kuchh halchal machānī chāhiye

dil kī duniyā phir basānī chāhiye

chāhe sar ke baal hoñ puure safed

phir bhī qismat āzmānī chāhiye

hai zarūrat zauja-e-sānī kī ab

pyaar kī taaza kahānī chāhiye

ho gayā hai ghar meñ kuchh zyāda sukūñ

ghar meñ ab bachchoñ kī naanī chāhiye

dekhte haiñ roz khiḌkī se jise

vo paḌosan ghar meñ aanī chāhiye

kar liyā bardāsht kaafī din use

biivī ab maike ko jaanī chāhiye

chhoḌ do 'hammād-hasan' ab harkateñ

kuchh sharāfat bhī dikhānī chāhiye

hum ko kuchh halchal machani chahiye

dil ki duniya phir basani chahiye

chahe sar ke baal hon pure safed

phir bhi qismat aazmani chahiye

hai zarurat zauja-e-sani ki ab

pyar ki taza kahani chahiye

ho gaya hai ghar mein kuchh zyaada sukun

ghar mein ab bachchon ki nani chahiye

dekhte hain roz khiDki se jise

wo paDosan ghar mein aani chahiye

kar liya bardasht kafi din use

biwi ab maike ko jaani chahiye

chhoD do 'hammad-hasan' ab harkaten

kuchh sharafat bhi dikhani chahiye