shauhar-nama

shauhar-jī uTho ghar se niklo shādī kā sog manānā kyā

jo honā thā vo ho ke rahā ab dil ko aur jalānā kyā

biivī kī zabān-darāzī se jhunjhlāte ho ghabrāte ho

jab shādī kar hī baiThe ho to phir ab shor machānā kyā

sab dostoñ ke uksāne par uTTho to sahī niklo to sahī

jab urdu film hī dekhnī hai to shabnam kyā aur shabāna kyā

chalo coat kī saarī jeboñ meñ DhūñDo to sahī dekho to sahī

ik das kā note hī mil jaa.e to haath apnā phailānā kyā

shab biitī chāñd bhī Duub chalā ab paañv dabānā band karo

uTTho jaldī aaTā gūñdho tumheñ nāshta nahīñ banānā kyā

shādī ho ga.ī āzādī chhinī zanjīr paḌī ab pairoñ meñ

miyāñ āñkheñ laḌānā band karo ab hañsnā kyā aur hañsānā kyā

ab tum shauhar ho had meñ raho aur aañkh maTakkā jaane do

biivī ke qahr ko na dāvat do tumheñ lauT ke ghar nahīñ jaanā kyā

lo bhor bha.ī ab uTh baiTho chaa.e kā paanī rakho jā kar

biivī ko agar chaa.e na milī to raat ko khāoge khānā kyā

shauhar-ji uTho ghar se niklo shadi ka sog manana kya

jo hona tha wo ho ke raha ab dil ko aur jalana kya

biwi ki zaban-daraazi se jhunjhlate ho ghabraate ho

jab shadi kar hi baiThe ho to phir ab shor machana kya

sab doston ke uksane par uTTho to sahi niklo to sahi

jab urdu film hi dekhni hai to shabnam kya aur shabana kya

chalo coat ki sari jebon mein DhunDo to sahi dekho to sahi

ek das ka note hi mil jae to hath apna phailana kya

shab biti chand bhi Dub chala ab panw dabana band karo

uTTho jaldi aaTa gundho tumhein nashta nahin banana kya

shadi ho gai aazadi chhini zanjir paDi ab pairon mein

miyan aankhen laDana band karo ab hansna kya aur hansana kya

ab tum shauhar ho had mein raho aur aankh maTakka jaane do

biwi ke qahr ko na dawat do tumhein lauT ke ghar nahin jaana kya

lo bhor bhai ab uTh baiTho chae ka pani rakho ja kar

biwi ko agar chae na mili to raat ko khaoge khana kya