تلے گی تجھ کو پکوڑے وہ تلنے والی نہیں

تلے گی تجھ کو پکوڑے وہ تلنے والی نہیں

دل شکستہ تری دال گلنے والی نہیں

سہیلیوں کو تو حسرت بھری نظر سے نہ دیکھ

کہ اس طرح تری دلہن بدلنے والی نہیں

کھڑا ہوا ہوں یہی سوچ کر اسٹاپ پہ میں

کہ اس کے آنے تلک بس یہ چلنے والی نہیں

یہ ڈاکٹر نے کہا سن کے میرا درد دل

علاج سے تری حالت سنبھلنے والی نہیں

ہیں اس کے پاس کئی آپشن کئی چائس

تجھے گنوا کے بھی وہ ہاتھ ملنے والی نہیں

مرید کو یہ بتایا گیا اشاروں میں

کہ سو پچاس سے مشکل یہ ٹلنے والی نہیں