talegi tujhko pakauDe wo talne wali nahin

talegī tujh ko pakauḌe vo talne vaalī nahīñ

dil-e-shikasta tirī daal galne vaalī nahīñ

saheliyoñ ko tū hasrat-bharī nazar se na dekh

ki is tarah tirī dul.han badalne vaalī nahīñ

khaḌā huā huuñ yahī soch kar stop pe maiñ

ki us ke aane talak bus ye chalne vaalī nahīñ

ye doctor ne kahā sun ke merā dard-e-dil

'ilāj se tirī hālat sañbhalne vaalī nahīñ

haiñ us ke paas ka.ī option ka.ī choice

tujhe gañvā ke bhī vo haath malne vaalī nahīñ

murīd ko ye batāyā gayā ishāroñ meñ

ki sau pachās se mushkil ye Talne vaalī nahīñ

talegi tujh ko pakauDe wo talne wali nahin

dil-e-shikasta teri dal galne wali nahin

saheliyon ko tu hasrat-bhari nazar se na dekh

ki is tarah teri dulhan badalne wali nahin

khaDa hua hun yahi soch kar stop pe main

ki us ke aane talak bus ye chalne wali nahin

ye doctor ne kaha sun ke mera dard-e-dil

'ilaj se teri haalat sanbhalne wali nahin

hain us ke pas kai option kai choice

tujhe ganwa ke bhi wo hath malne wali nahin

murid ko ye bataya gaya ishaaron mein

ki sau pachas se mushkil ye Talne wali nahin