uchhalta kudta hai KHush dil-e-diwana hota hai

uchhaltā kūdtā hai ḳhush dil-e-dīvāna hotā hai

nazar ke sāmne jab jalva-e-jānāna hotā hai

mirī ḳhaslat se nā-ḳhush apnā aur begāna hotā hai

jahāñ maiñ baiTh jaatā huuñ vahīñ vīrāna hotā hai

mere kandhoñ pe rakh de sāqiyā dūkān ko apnī

jahāñ do botaleñ rakh diiñ vahī mai-ḳhāna hotā hai

sham.a kuchh phūkne ke vāste ghar par nahīñ jaatī

fidā ullū kā paTThā aa ke ḳhud parvāna hotā hai

abe saaqī nahīñ hai jaam to lā is taraf botal

zarā sī TunTunī ko toḌ duuñ paimāna hotā hai

janāb-e-shaiḳh kā is vaqt meñ khiñche koī photo

ki jab botal baġhal meñ haath meñ paimāna hotā hai

naqab kar ke churā lete haiñ ham piipe sharāboñ ke

ki jis dam band aadhī raat ko mai-ḳhāna hotā hai

shab-e-va.ada kī bāteñ tum jo kah dete ho ghar jā kar

unhīñ bātoñ kā baḌhte baḌhte ek afsāna hotā hai

uchhalta kudta hai KHush dil-e-diwana hota hai

nazar ke samne jab jalwa-e-jaanana hota hai

meri KHaslat se na-KHush apna aur begana hota hai

jahan main baiTh jata hun wahin virana hota hai

mere kandhon pe rakh de saqiya dukan ko apni

jahan do botalen rakh din wahi mai-KHana hota hai

shama kuchh phukne ke waste ghar par nahin jati

fida ullu ka paTTha aa ke KHud parwana hota hai

abe saqi nahin hai jam to la is taraf botal

zara si TunTuni ko toD dun paimana hota hai

janab-e-shaiKH ka is waqt mein khinche koi photo

ki jab botal baghal mein hath mein paimana hota hai

naqab kar ke chura lete hain hum pipe sharabon ke

ki jis dam band aadhi raat ko mai-KHana hota hai

shab-e-wada ki baaten tum jo kah dete ho ghar ja kar

unhin baaton ka baDhte baDhte ek afsana hota hai