ulfat ka kya maza hai idhar ho udhar na ho

ulfat kā kyā mazā hai idhar ho udhar na ho

ham ko to dard-e-dil ho udhar dard-e-sar na ho

yā-rab kabhī to de hameñ ḳhalvat kā ik pahar

lorry meñ merā un kā koī ham-safar na ho

ahd-e-jadīd meñ na.e sāmān-e-ishq haiñ

kyā lutf ishq-bāzī kā jo phone par na ho

maiñ un ke saath dasht meñ bhī jā ke ḳhush rahūñ

lekin sanam ke baTve pe merī nazar na ho

merā tabīb bolā mire dostoñ se kal

chaltā huuñ gar marīz ko dard-e-jigar na ho

maiñ aur sanam akele kareñ khul ke bāt-chīt

television ho aur koī nāma-bar na ho

'laq-laq' kā ghar jo dekhā to kahne lagā vo shoḳh

dushman ko bhī nasīb koī aisā ghar na ho

ulfat ka kya maza hai idhar ho udhar na ho

hum ko to dard-e-dil ho udhar dard-e-sar na ho

ya-rab kabhi to de hamein KHalwat ka ek pahar

lorry mein mera un ka koi ham-safar na ho

ahd-e-jadid mein nae saman-e-ishq hain

kya lutf ishq-bazi ka jo phone par na ho

main un ke sath dasht mein bhi ja ke KHush rahun

lekin sanam ke baTwe pe meri nazar na ho

mera tabib bola mere doston se kal

chalta hun gar mariz ko dard-e-jigar na ho

main aur sanam akele karen khul ke baat-chit

telewision ho aur koi nama-bar na ho

'laq-laq' ka ghar jo dekha to kahne laga wo shoKH

dushman ko bhi nasib koi aisa ghar na ho