wo apni nak pe ghusse ko dhar ke dekhte hain

vo apnī naak pe ġhusse ko dhar ke dekhte haiñ

ham un kī samt jo dekheñ to Dar ke dekhte haiñ

ḳharīdte haiñ vo sab shoḳh suit apne liye

hamāre vāste halke color ke dekhte haiñ

kiyā huā hai use deiting ne itnā slim

so us kī pics ko ham zoom kar ke dekhte haiñ

phir is ke baa'd vo daftar meñ aur ham office

sahar ke vaqt hī jalve sahar ke dekhte haiñ

tasavvurāt meñ fōtball sā uchhaltā hai

kabhī jo kanghī meñ ham baal sar ke dekhte haiñ

jo ahl-e-‘ishq haiñ dete haiñ zor burger par

jo ahl-e-husn haiñ sapne dinner ke dekhte haiñ

nahīñ ba’īd ki do roTiyāñ pakā Daale

tave ko dosto chūlhe pe dhar ke dekhte haiñ

wo apni nak pe ghusse ko dhar ke dekhte hain

hum un ki samt jo dekhen to Dar ke dekhte hain

KHaridte hain wo sab shoKH suit apne liye

hamare waste halke color ke dekhte hain

kiya hua hai use deiting ne itna slim

so us ki pics ko hum zoom kar ke dekhte hain

phir is ke ba'd wo daftar mein aur hum office

sahar ke waqt hi jalwe sahar ke dekhte hain

tasawwuraat mein football sa uchhalta hai

kabhi jo kanghi mein hum baal sar ke dekhte hain

jo ahl-e-‘ishq hain dete hain zor burger par

jo ahl-e-husn hain sapne dinner ke dekhte hain

nahin ba’id ki do roTiyan paka Dale

tawe ko dosto chulhe pe dhar ke dekhte hain