yar bin jina na jina ek hai

yaar bin jiinā na jiinā ek hai

mai kā aur sode kā piinā ek hai

vo huā dushman to bas maare ga.e

but kā aur ushtur kā kiina ek hai

dil tirī mizhgāñ ne puncture kar diyā

is kā ab siinā na siinā ek hai

ban gayā college bhī bazm-e-mah-vashāñ

mard aurat kā qarīna ek hai

tum liye phirte ho jis ko car meñ

saarī duniyā kā kamīna ek hai

yaar kā ghar aur adū bairūn-e-dar

ab kidhar jā.ūñ ki ziina ek hai

husn kyā jaane ki 'laq-laq' kā yahāñ

ishq meñ ḳhuun aur pasīna ek hai

yar bin jina na jina ek hai

mai ka aur sode ka pina ek hai

wo hua dushman to bas mare gae

but ka aur ushtur ka kina ek hai

dil teri mizhgan ne puncture kar diya

is ka ab sina na sina ek hai

ban gaya college bhi bazm-e-mah-washan

mard aurat ka qarina ek hai

tum liye phirte ho jis ko car mein

sari duniya ka kamina ek hai

yar ka ghar aur adu bairun-e-dar

ab kidhar jaun ki zina ek hai

husn kya jaane ki 'laq-laq' ka yahan

ishq mein KHun aur pasina ek hai