zaban kyun ho?

kisī ko de ke ''vote'' apnā navā-sañj-e-fuġhāñ kyuuñ ho?

jo sar ḳhālī ho ''bheje'' se to phir muñh meñ zabān kyuuñ ho?

hamāre leaderoñ kī kāmyābī kā ye nukta hai!

''jo karnā hai'' rakho dil meñ vo public meñ bayāñ kyuuñ ho?

kahā sayyād ne par noch kar sehn-e-gulistāñ meñ!

ghuTan ho laakh siine meñ magar āh-o-fuġhāñ kyuuñ ho?

buḌhāpe meñ bhī kar Daalī hai tū ne tīsrī shādī

zarā insāf se kah de vo tujh par mehrbāñ kyuuñ ho?

''qafas meñ mujh se rūdād-e-chaman kahte na Dar hamdam''

chalā hai jis pe ''bulldozer'' vo merā hī makāñ kyuuñ ho?

qutub se kuud jā.ūñgā agar marnā hī Thahrā hai

''to phir ai sañg-e-dil terā hī sañg-e-āstāñ kyuuñ ho?

vo kahtā hai ki America ko 'lenin' ne basāyā thā

ho jab ustād hī jāhil to merā imtihāñ kyuuñ ho?

'nazar' ne un ko jab dekhā to daddy saath the un ke

hamāre darmiyāñ har vaqt vo pīr-e-muġhāñ kyuuñ ho?

kisi ko de ke wote apna nawa-sanj-e-fughan kyun ho?

jo sar KHali ho bheje se to phir munh mein zaban kyun ho?

hamare leaderon ki kaamyabi ka ye nukta hai!

jo karna hai rakho dil mein wo public mein bayan kyun ho?

kaha sayyaad ne par noch kar sehn-e-gulistan mein!

ghuTan ho lakh sine mein magar aah-o-fughan kyun ho?

buDhape mein bhi kar Dali hai tu ne tisri shadi

zara insaf se kah de wo tujh par mehrban kyun ho?

qafas mein mujh se rudad-e-chaman kahte na Dar hamdam

chala hai jis pe bulldozer wo mera hi makan kyun ho?

qutub se kud jaunga agar marna hi Thahra hai

to phir ai sang-e-dil tera hi sang-e-astan kyun ho?

wo kahta hai ki America ko 'lenin' ne basaya tha

ho jab ustad hi jahil to mera imtihan kyun ho?

'nazar' ne un ko jab dekha to daddy sath the un ke

hamare darmiyan har waqt wo pir-e-mughan kyun ho?