zara si mashq kare be-zamir ban jae

zarā sī mashq kare be-zamīr ban jaa.e

to kyā ajab hai ki insāñ vazīr ban jaa.e

jo kām-chor ho bachche kirā.e par le le

unheñ sadā.eñ sikhā le faqīr ban jaa.e

javān-e-rind jo ho rozgār se mahrūm

murīd majmā kare aur piir ban jaa.e

kuchh ishtihār hoñ kuchh pagḌiyāñ uchhālne ko

ye ḳhāksār bhī phir to mudīr ban jaa.e

vo bad-gumāñ haiñ vilāyat kī laḌkiyoñ se bahut

hai Dar unheñ ki na shauhar safīr ban jaa.e

zara si mashq kare be-zamir ban jae

to kya ajab hai ki insan wazir ban jae

jo kaam-chor ho bachche kirae par le le

unhen sadaen sikha le faqir ban jae

jawan-e-rind jo ho rozgar se mahrum

murid majma kare aur pir ban jae

kuchh ishtihaar hon kuchh pagDiyan uchhaalne ko

ye KHaksar bhi phir to mudir ban jae

wo bad-guman hain wilayat ki laDkiyon se bahut

hai Dar unhen ki na shauhar safir ban jae