aankh khulte gai bahaar afsos

aañkh khulte ga.ī bahār afsos

gul ko dekhā bhī na hazār afsos

jis kī ḳhātir hue kināra-guzīñ

na hue us se ham-kanār afsos

na muārrif na āshnā koī

ham haiñ be-yār-o-be-dayār afsos

be-qarārī ne yūñhī jī maarā

us se nai ahd nai qarār afsos

ḳhuuñ huī dil hī meñ umīd-e-visāl

mar rahe jī ko maar maar afsos

chāra-e-ishtiyāq kuchh na huā

vo na ham se huā do-chār afsos

ik hī gardish meñ us kī āñkhoñ kī

phir gayā ham se rozgār afsos

gor apnī rahī guzargah meñ

na huā yaar kā guzār afsos

muntazir hī ham us ke 'mīr' ga.e

yaañ tak aaya kabhū na yaar afsos

aankh khulte gai bahaar afsos

gul ko dekha bhi na hazar afsos

jis ki KHatir hue kinara-guzin

na hue us se ham-kanar afsos

na muarrif na aashna koi

hum hain be-yar-o-be-dayar afsos

be-qarari ne yunhi ji mara

us se nai ahd nai qarar afsos

KHun hui dil hi mein umid-e-visal

mar rahe ji ko mar mar afsos

chaara-e-ishtiyaq kuchh na hua

wo na hum se hua do-chaar afsos

ek hi gardish mein us ki aankhon ki

phir gaya hum se rozgar afsos

gor apni rahi guzargah mein

na hua yar ka guzar afsos

muntazir hi hum us ke 'mir' gae

yan tak aaya kabhu na yar afsos