aankhon se dil talak hain chune KHwan-e-arzu

āñkhoñ se dil talak haiñ chune ḳhvān-e-ārzū

nau-mīdiyāñ haiñ kitnī hī mehmān-e-ārzū

yak-chashm is taraf bhī to kāfir ki tū hī hai

dīn-e-nigāh hasrat-o-īmān-e-ārzū

aaya to aur rang-e-ruḳh-e-yās chal basā

jaane lagā to chalne lagī jān-e-ārzū

is maj.hale ko sair karūñ kab talak ki hai

dast-e-hazār-hasrat-o-dāmān-e-ārzū

pāmāl-e-yās aah kahāñ tak rahūñgā 'mīr'

sar-mashq kyoñ kiyā thā maiñ dīvān-e-ārzū

aankhon se dil talak hain chune KHwan-e-arzu

nau-midiyan hain kitni hi mehman-e-arzu

yak-chashm is taraf bhi to kafir ki tu hi hai

din-e-nigah hasrat-o-iman-e-arzu

aaya to aur rang-e-ruKH-e-yas chal basa

jaane laga to chalne lagi jaan-e-arzu

is majhale ko sair karun kab talak ki hai

dast-e-hazar-hasrat-o-daman-e-arzu

pamal-e-yas aah kahan tak rahunga 'mir'

sar-mashq kyon kiya tha main diwan-e-arzu