aaram ho chuka mere jism-e-nazar ko

ārām ho chukā mire jism-e-nazār ko

rakkhe ḳhudā jahāñ meñ dil-e-be-qarār ko

paanī pe jaise ġhuncha-e-lālā phire bahā

dekhā maiñ āñsuoñ meñ dil-e-dāġh-dār ko

barsā to mere dīda-e-ḳhūñbār ke huzūr

par ab tak infi.āl hai abr-e-bahār ko

hañstā hī maiñ phirūñ jo mirā kuchh ho iḳhtiyār

par kyā karūñ maiñ dīda-e-be-iḳhtiyār ko

aaya jahāñ meñ dost bhī hote haiñ yak digar

mujh se to dushmanī hī rahī mere yaar ko

sau baar yuuñ to ġhairoñ se karte ho hañs ke baat

kuchh muñh banā raho ho hamārī hī baar ko

sar-gashtagī sivā.e na dekhā jahāñ meñ kuchh

ik umr ḳhizr sair kiyā is dayār ko

kis kis kī ḳhaak ab kī milānī hai ḳhaak meñ

jaatī hai phir nasīm usī rahguzār ko

ai vo koī jo aaj piye hai sharāb-e-aish

ḳhātir meñ rakhiyo kal ke bhī ranj-o-ḳhumār ko

ḳhūbāñ kā kyā jigar jo kareñ mujh ko apnā said

pahchāntā hai sab koī tere shikār ko

qaaf

jiite jī fikr ḳhuub hai varna ye bad-balā

rakkhegā hashr tak tah-o-bālā mazār ko

gar saath le gaḌā tū dil-e-muztarib to 'mīr'

ārām ho chukā tire musht-e-ġhubār ko

aaram ho chuka mere jism-e-nazar ko

rakkhe KHuda jahan mein dil-e-be-qarar ko

pani pe jaise ghuncha-e-lala phire baha

dekha main aansuon mein dil-e-dagh-dar ko

barsa to mere dida-e-KHunbar ke huzur

par ab tak infial hai abr-e-bahaar ko

hansta hi main phirun jo mera kuchh ho iKHtiyar

par kya karun main dida-e-be-iKHtiyar ko

aaya jahan mein dost bhi hote hain yak digar

mujh se to dushmani hi rahi mere yar ko

sau bar yun to ghairon se karte ho hans ke baat

kuchh munh bana raho ho hamari hi bar ko

sar-gashtagi siwae na dekha jahan mein kuchh

ek umr KHizr sair kiya is dayar ko

kis kis ki KHak ab ki milani hai KHak mein

jati hai phir nasim usi rahguzar ko

ai wo koi jo aaj piye hai sharab-e-aish

KHatir mein rakhiyo kal ke bhi ranj-o-KHumar ko

KHuban ka kya jigar jo karen mujh ko apna said

pahchanta hai sab koi tere shikar ko

qaf

jite ji fikr KHub hai warna ye bad-bala

rakkhega hashr tak tah-o-baala mazar ko

gar sath le gaDa tu dil-e-muztarib to 'mir'

aaram ho chuka tere musht-e-ghubar ko