ab kuchh maze par aaya shayad wo shoKH-dida
ab kuchh maze par aaya shāyad vo shoḳh-dīda
aab us ke post meñ hai juuñ meva-e-rasīda
āñkheñ milā kabhū to kab tak kiyā karūñ maiñ
dumbāla-gardī terī ai āhū-e-ramīda
paanī bhar aaya muñh meñ dekhe jinhoñ ke yā-rab
ve kis maze ke hoñge lab-hā-e-nā-makīda
saa.e ko us parī ke lagtā na thā chaman meñ
maġhrūr kaahe par hai shamshād-e-qad-kashīda
āñkheñ hī bichh rahī haiñ ahl-e-nazar kī yaksar
chalte hue zamīñ par rakh paañv diida diida
chal sair karne tū bhī tā sub.h āñkheñ kholeñ
muñh par tire chaman meñ gul-hā-e-nau-damīda
mehrāb meñ raho na sajda kiyā karo na
be-vaqt kyā hai taa.at qad ab huā ḳhamīda
parvāna gird phir kar jal bhī bujhā va-lekin
ḳhāmosh raat ko thī sham.a-e-zabāñ-burīda
dekhā mujhe shab-e-gul bulbul ne jo chaman meñ
bolā kī mere muñh par kyā kyā dahan-darīda
qalb-o-kabid to donoñ tīroñ se chhan rahe haiñ
vo is sitam-kashī par ham se rahe kabīda
ash.ār-e-'mīr' sab ne chun chun ke likh liye haiñ
rakkheñge yaad ham bhī kuchh baiteñ chīda chīda
ab kuchh maze par aaya shayad wo shoKH-dida
aab us ke post mein hai jun mewa-e-rasida
aankhen mila kabhu to kab tak kiya karun main
dumbaala-gardi teri ai aahu-e-ramida
pani bhar aaya munh mein dekhe jinhon ke ya-rab
we kis maze ke honge lab-ha-e-na-makida
sae ko us pari ke lagta na tha chaman mein
maghrur kahe par hai shamshad-e-qad-kashida
aankhen hi bichh rahi hain ahl-e-nazar ki yaksar
chalte hue zamin par rakh panw dida dida
chal sair karne tu bhi ta subh aankhen kholen
munh par tere chaman mein gul-ha-e-nau-damida
mehrab mein raho na sajda kiya karo na
be-waqt kya hai taat qad ab hua KHamida
parwana gird phir kar jal bhi bujha wa-lekin
KHamosh raat ko thi shama-e-zaban-burida
dekha mujhe shab-e-gul bulbul ne jo chaman mein
bola ki mere munh par kya kya dahan-darida
qalb-o-kabid to donon tiron se chhan rahe hain
wo is sitam-kashi par hum se rahe kabida
ashaar-e-'mir' sab ne chun chun ke likh liye hain
rakkhenge yaad hum bhi kuchh baiten chida chida
- Book : MIRIYAAT - Diwan No- 5, Ghazal No- 1719
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.