chupke khaDa TukDe hota hun sari hai ulfat ki baat

chupke khaḌā TukḌe hotā huuñ saarī hai ulfat kī baat

teġh ne us kī kiyā hai qismat ye bhī hai qismat kī baat

jaan musāfir ho jā.egī lab par hai mauqūf-e-āh

sab kuchh kahiyo jaate hue tum mat kahiyo ruḳhsat kī baat

kah ke fasāna ishq-o-vafā kā log mohabbat karte the

ab vo naaz kahānī un kī goyā hai muddat kī baat

dard-o-ġham kī giraftārī se mohlat ho to kuchh kahiye

harf-zadan ash.ār-shi.ārī ye sab hai fursat kī baat

kis ko dimāġh-e-javāb rahā hai zo.af se ab ḳhāmosh rahe

pahroñ baknā nasīhat-gar se 'mīr' ye hai tāqat kī baat

chupke khaDa TukDe hota hun sari hai ulfat ki baat

tegh ne us ki kiya hai qismat ye bhi hai qismat ki baat

jaan musafir ho jaegi lab par hai mauquf-e-ah

sab kuchh kahiyo jate hue tum mat kahiyo ruKHsat ki baat

kah ke fasana ishq-o-wafa ka log mohabbat karte the

ab wo naz kahani un ki goya hai muddat ki baat

dard-o-gham ki giraftari se mohlat ho to kuchh kahiye

harf-zadan ashaar-shiari ye sab hai fursat ki baat

kis ko dimagh-e-jawab raha hai zoaf se ab KHamosh rahe

pahron bakna nasihat-gar se 'mir' ye hai taqat ki baat