der kab rahna mile hai yan nahin mohlat bahut

der kab rahnā mile hai yaañ nahīñ mohlat bahut

de kise fursat sipahr-e-dūñ hai kam-fursat bahut

kam nahīñ dīvāna honā bhī hamārā daf.atan

Dariye ho jaave khirad-var kī jo palTe mat bahut

girya-o-zārī se roz-o-shab kī shikve kuchh nahīñ

mujh ko ronā ye hai jī ko us se hai ulfat bahut

kyā vidā.a us yaar ke kūche se ham mushkil hue

zār-e-bārāñ log rote the dam-e-ruḳhsat bahut

bād-e-marg āñkheñ khulī rahne se ye jaanā gayā

dekhne kī us ke mere jī meñ thī hasrat bahut

sun ke zā.e.a-rozgārī us kī jī laayā na taab

aap ko kar baiThe zaa.e.a ham ko thī ġhairat bahut

āñkheñ jaatī haiñ muñdī zo.af-e-dilī se dam-ba-dam

in dinoñ un ko bhī īdhar hī se hai ġhaflat bahut

dil ga.e par āj-kal se chup nahīñ mujh ko lagī

guzrī is bhī baat ko ai ham-nafas muddat bahut

dil meñ jā kartā hai taur-e-'mīr' shāyad dostāñ

un ne sāhib-dil kisū se rakkhī hai sohbat bahut

der kab rahna mile hai yan nahin mohlat bahut

de kise fursat sipahr-e-dun hai kam-fursat bahut

kam nahin diwana hona bhi hamara dafatan

Dariye ho jawe khirad-war ki jo palTe mat bahut

girya-o-zari se roz-o-shab ki shikwe kuchh nahin

mujh ko rona ye hai ji ko us se hai ulfat bahut

kya widaa us yar ke kuche se hum mushkil hue

zar-e-baran log rote the dam-e-ruKHsat bahut

baad-e-marg aankhen khuli rahne se ye jaana gaya

dekhne ki us ke mere ji mein thi hasrat bahut

sun ke zaea-rozgari us ki ji laya na tab

aap ko kar baiThe zaea hum ko thi ghairat bahut

aankhen jati hain mundi zoaf-e-dili se dam-ba-dam

in dinon un ko bhi idhar hi se hai ghaflat bahut

dil gae par aaj-kal se chup nahin mujh ko lagi

guzri is bhi baat ko ai ham-nafas muddat bahut

dil mein ja karta hai taur-e-'mir' shayad dostan

un ne sahib-dil kisu se rakkhi hai sohbat bahut