dil ke gae be-dil kahlae aage dekhiye kya kya hon
dil ke ga.e be-dil kahlā.e aage dekhiye kyā kyā hoñ
mahzūñ hoveñ maftūñ hoveñ majnūñ hoveñ rusvā hoñ
ishq kī rah meñ paañv rakhā so rahne lage kuchh rafta se
aage chal kar dekheñ ham ab gum hoveñ yā paidā hoñ
ḳhār-o-ḳhas uljhe haiñ aaphī bahs unhoñ se kyā rakkheñ
maujzan apnī tab-e-ravāñ se jab ham jaise dariyā hoñ
ham bhī ga.e jāgah se apnī shauq meñ us harjā.ī ke
ishq kā jazba kaam kare to phir ham donoñ yakjā hoñ
koī taraf yaañ aisī nahīñ jo ḳhālī hove us se 'mīr'
ye turfa hai shor-e-jaras se chaar taraf ham tanhā hoñ
dil ke gae be-dil kahlae aage dekhiye kya kya hon
mahzun howen maftun howen majnun howen ruswa hon
ishq ki rah mein panw rakha so rahne lage kuchh rafta se
aage chal kar dekhen hum ab gum howen ya paida hon
KHar-o-KHas uljhe hain aaphi bahs unhon se kya rakkhen
maujzan apni tab-e-rawan se jab hum jaise dariya hon
hum bhi gae jagah se apni shauq mein us harjai ke
ishq ka jazba kaam kare to phir hum donon yakja hon
koi taraf yan aisi nahin jo KHali howe us se 'mir'
ye turfa hai shor-e-jaras se chaar taraf hum tanha hon
- Book : MIRIYAAT - Diwan No- 4, Ghazal No- 1446
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.