dil shitab is bazm-e-ishrat se uThaya chahiye

dil shitāb is bazm-e-ishrat se uThāyā chāhiye

ek din tah kar bisāt-e-nāz jaayā chāhiye

ye qayāmat aur jī par kil ga.ī pā.īz meñ

dil ḳhas-o-ḳhāshāk-e-gulshan se lagāyā chāhiye

ḳhāna-sāz-e-dīñ jo hai vaa.iz so ye ḳhāna-ḳharāb

iiñT kī ḳhātir jise masjid ko Dhāyā chāhiye

kaam kyā bāl-e-humā se chatr-e-shah se kyā ġharaz

sar par ik dīvār hī kā us kī saaya chāhiye

ittiqā par ḳhānqah vaale bahut maġhrūr haiñ

mast-e-nāz īdhar use yakbār laayā chāhiye

kyāriyoñ hī meñ paḌe rahiyegā saa.e kī ravish

apne hote ab ke mausam gul kā aaya chāhiye

ye sitam taaza ki apnī nākasī par kar nazar

jin se bigḌā chāhiye un se banāyā chāhiye

jī nahīñ rahtā hai Tuk nā-chār ham ko us kī or

girte-paḌte zo.af meñ bhī roz jaayā chāhiye

gaah burqā-posh ho gah mū parāganda karo

tum ko ham se muñh bahar-sūrat chhupāyā chāhiye

vo bhī to Tuk dast-o-teġh apne kī jaane qadr 'mīr'

zaḳhm saare ek din us ko dikhāyā chāhiye

dil shitab is bazm-e-ishrat se uThaya chahiye

ek din tah kar bisat-e-naz jaya chahiye

ye qayamat aur ji par kil gai paiz mein

dil KHas-o-KHashak-e-gulshan se lagaya chahiye

KHana-saz-e-din jo hai waiz so ye KHana-KHarab

inT ki KHatir jise masjid ko Dhaya chahiye

kaam kya baal-e-huma se chatr-e-shah se kya gharaz

sar par ek diwar hi ka us ki saya chahiye

ittiqa par KHanqah wale bahut maghrur hain

mast-e-naz idhar use yakbar laya chahiye

kyariyon hi mein paDe rahiyega sae ki rawish

apne hote ab ke mausam gul ka aaya chahiye

ye sitam taza ki apni nakasi par kar nazar

jin se bigDa chahiye un se banaya chahiye

ji nahin rahta hai Tuk na-chaar hum ko us ki or

girte-paDte zoaf mein bhi roz jaya chahiye

gah burqa-posh ho gah mu paraganda karo

tum ko hum se munh bahar-surat chhupaya chahiye

wo bhi to Tuk dast-o-tegh apne ki jaane qadr 'mir'

zaKHm sare ek din us ko dikhaya chahiye