غریب شہر خوباں ہوں مرا کچھ حال مت پوچھو

غریب شہر خوباں ہوں مرا کچھ حال مت پوچھو

ہوا جی زلف و کاکل کے لیے جنجال مت پوچھو

دل صد پارہ کو پیوند کرتا ہوں جدائی میں

کرے ہے کہنۂ نسخہ وصل جوں وصال مت پوچھو

جگر جل کر ہوا ہے کوئلہ بیتاب تو بھی ہوں

تپش سے دل کی میرے سر پہ ہے دھمال مت پوچھو

تعجب ہے کہ دل اس گنج سرگشتہ میں رہتا ہے

خرابے جس سے یہ پاتے ہیں مالا مال مت پوچھو

لگا جی اس کی زلفوں سے بہت ہم میرؔ پچھتائے

ہوا ہے مدعی ایک ایک اپنا بال مت پوچھو