ghusse mein naKHunon ne mere ki hai kya talash

ġhusse meñ nāḳhunoñ ne mire kī hai kyā talāsh

talvār kā sā ghaav hai jab.he kā har ḳharāsh

sohbat meñ us kī kyūñke rahe mard aadmī

vo shoḳh o shang o be-tah o aubāsh o bad-ma.āsh

be-rahm tujh ko ek nazar karnī thī idhar

kushte ke tere TukḌe hue le ga.e bhī laash

ābād ujḌā lakhna.ū chuġhdoñ se ab huā

mushkil hai is ḳharābe meñ aadam kī būd-o-bāsh

umr-e-azīz yaas hī meñ jaatī hai chalī

umīd-vār us ke na ham hote 'mīr' kaash

ghusse mein naKHunon ne mere ki hai kya talash

talwar ka sa ghaw hai jabhe ka har KHarash

sohbat mein us ki kyunke rahe mard aadmi

wo shoKH o shang o be-tah o aubash o bad-maash

be-rahm tujh ko ek nazar karni thi idhar

kushte ke tere TukDe hue le gae bhi lash

aabaad ujDa lakhnau chughdon se ab hua

mushkil hai is KHarabe mein aadam ki bud-o-bash

umr-e-aziz yas hi mein jati hai chali

umid-war us ke na hum hote 'mir' kash