haal to haal-e-zar hai ta-haal

haal to hāl-e-zār hai tā-hāl

dil vahī be-qarār hai tā-hāl

baḌhtī hai haal kī ḳharābī roz

garche kuchh rozgār hai tā-hāl

ḳhasta-jānī ne nang-e-ḳhalq kiyā

par use mujh se aar hai tā-hāl

haal fikr-e-suḳhan meñ kuchh na rahā

sher merā shi.ār hai tā-hāl

hāl-e-mastī javānī thī so ga.ī

'mīr' us kā ḳhumār hai tā-hāl

āñkheñ bad-halī se Thahartīñ nahīñ

shauq-e-dīdār-e-yār hai tā-hāl

ġham se hālāñki ḳhūn-e-dil sūkhā

chashm-e-tar ashk-bār hai tā-hāl

haal to haal-e-zar hai ta-haal

dil wahi be-qarar hai ta-haal

baDhti hai haal ki KHarabi roz

garche kuchh rozgar hai ta-haal

KHasta-jaani ne nang-e-KHalq kiya

par use mujh se aar hai ta-haal

haal fikr-e-suKHan mein kuchh na raha

sher mera shiar hai ta-haal

haal-e-masti jawani thi so gai

'mir' us ka KHumar hai ta-haal

aankhen bad-hali se Thahartin nahin

shauq-e-didar-e-yar hai ta-haal

gham se haalanki KHun-e-dil sukha

chashm-e-tar ashk-bar hai ta-haal